Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Áskerden jaltarǵandar 3 mln teńgeden astam aıyppul tóleıdi

2022 jyldyń 13 sáýir 2022 13:31

NUR-SULTAN. QazAqparat - Qazaqstanda kóktemgi áskerge shaqyrý naýqany ótip jatyr, bul 30 maýsymǵa deıin jalǵasady, dep habarlaıdy QazAqparat tilshisi QR Qorǵanys mınıstrligine silteme jasap.

Vedomstvo azamattardy shaqyrý pýnktterine medıtsınalyq komıssııadan ótý úshin shaqyrýǵa qatysty barlyq rásimder zańnamaǵa sáıkes júrgiziletinin de habarlady. 18-den 27 jasqa deıingi áskerge shaqyrý jasyndaǵy jasóspirimder shaqyrtý qaǵazy jáne sms-habarlamalar barǵan jaǵdaıda medıtsınalyq komıssııadan ótýge kelýi qajet.

«Eger áskerge shaqyrylýshy birneshe ret habarlaǵannan keıin jınaý pýnktine kelmese, onda jergilikti áskerı basqarý organdarynyń qyzmetkerleri polıtsııa qyzmetkerlerimen birlesip jaltarýshynyń turatyn jáne jumys isteıtin jerine barady.

Shaqyrý medıtsınalyq komıssııanyń nátıjeleri boıynsha shaqyrylýshynyń merzimdi áskerı qyzmet ótkerýge jaramdylyq dárejesi aıqyndalady. Eger jas jigit jaramsyz dep tanylsa, onda sol kúni ol jınaý pýnktinen úıine qaıtady. Eger áskerge shaqyrylýshy qosymsha tekserýdi qajet etse, onda ol medıtsınalyq mekemelerge jiberiledi», - delingen mınıstrliktiń habarlamasynda.

Medıtsınalyq komıssııa tekserýinen sátti ótken jáne qyzmetke jaramdy dep tanylǵan áskerge shaqyrylýshylardyń árbirin ákimniń orynbasary tóraǵalyq etetin shaqyrý komıssııasy derbes qaraıdy. Osylaısha, áskerge shaqyrý týraly sheshim qabyldanady.

Sonymen qatar, vedomstvo shaqyrý boıynsha medıtsınalyq komıssııa men áskerı qyzmetten jaltarý ákimshilik jáne qylmystyq jaýapkershilik retinde qaralatynyn eske saldy. Shaqyrý qaǵazy boıynsha medıtsınalyq tekserýge kelmegen jaǵdaıda 5 AEK mólsherinde aıyppul salynady.

«Áskerı qyzmetten jaltarý 1 myń AEK mólsherinde aıyppul salýǵa, ne sol mólsherde túzetý jumystaryna, ne 400 saǵatqa deıingi qoǵamdyq jumystarǵa tartýǵa, ne bir jylǵa deıingi merzimge bas bostandyǵyn shekteýge nemese odan aıyrýǵa ákep soǵady.


Joǵary qaraı