Aýa raıy
Astana -13 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Áskerı áýe kúshteri SÝ-30SM ushaqtarymen tolyqty

2020 jyldyń 7 qarasha 2020 10:47

NUR-SULTAN. QazAqparat – Sovet odaǵynyń batyry Nurken Ábdirov atyndaǵy Qaraǵandy avıatsııa bazasy jańa Sý-30SM joıǵysh ushaqtarymen tolyqty, dep habarlaıdy QazAqparat Qorǵanys mınıstrliginiń baspasóz qyzmetine silteme jasap.

Reseı Federatsııasymen jasalǵan kelisim jáne Qazaqstannyń Qarýly kúshterin qaıta jaraqtaý baǵdarlamasy boıynsha Áskerı-áýe kúshterine kóp fýnktsııaly Sý-30SM ushqyr ushaqtary keldi.

«Cý-30SM ushaqtary áskerlerdi jáne obektilerdi áýe shabýyly soqqysynan qorǵaný, áýedegi jáne jerdegi nysanany anyqtaý men joıý múmkindigin aıtarlyqtaı artyrady. Solardyń arqasynda Qarýly kúshterdiń áleýeti artady», – dedi Áýe qorǵanysy kúshteriniń bas qolbasshysy general-leıtenant Nurlan Ormanbetov.

Cý-30SM – bul eki oryndy kópmaqsatty, barlyq aýa-raıynda ushatyn, joǵary manevrli 4++ jatatyn joıǵysh ushaq. Bul ushaqta qazir Áskerı-áýe kúshterindegi Sý-27 jáne Mıg-31 sekildi eki túrli áskerı mashınanyń barlyq fýnktsııasy bar.





Ushaqtardy Irkýtsk avıatsııa zaýytynan ákelý 2015 jyldan beri iske asyrylyp keledi. Búgingi kúnge deıin kóptegen avıatsııalyq baza osy joıǵysh ushaqpen jaraqtalǵan.

Qaraǵandy avıatsııa bazasynyń ushý jáne ınjenerlik-tehnıkalyq quramy Taldyqorǵan men ushaqty daıyndaǵan zaýytta tolyq oqýdan ótti. Olar ushaqty basqarýǵa, paıdalanýǵa jáne osy tektes ushaqtarǵa qyzmet kórsetýge tıisti ruqsat aldy.





Joǵary qaraı