Aýa raıy
Astana 9 °S
Almaty 15 °S
valıýta baǵamy
USD 389.52
EUR 429.21
RUB 6.07
CNY 54.94

Áskerı ushqyshtar shabýyldan qorǵaný tapsyrmasyn oryndady

2019 jyldyń 20 qyrkúıek 2019 19:07

NUR-SULTAN. QazAqparat - Qazaqstan áýe kúshteriniń Sý-30SM kópfýnktsıonaldy joıǵysh jáne Sý-25 shabýyldaýshy ushaqtary shekarany buzǵan shartty jaýdyń avıatsııasyn basyp alý operatsııasyn júrgizdi, dep habarlaıdy QazAqparat QR Qorǵanys mınıstrligine siletem jasap.

Áskerı ushqyshtar Reseı áskerı-ǵarysh kúshteriniń Sý-30 joıǵyshtary men Sý-34 bombalaýshy ushaqtary ekıpajdarymen birlese otyryp tapsyrmany oryndady.

Tájirıbelik kezeń eki eldiń birlesken jattyǵýlary aıasynda Shyǵys Qazaqstan jáne Qaraǵandy ​​oblystarynyń «Shyǵys» jáne «Saryshaǵan» polıgonyndaǵy synaldy.

Stsenarıı boıynsha 30-dan asa avıatsııanyń maıdandyq ushaq belgilengen aýdandardaǵy áýe keńistikti qorǵaıdy. Shartty qarsylasty anyqtaǵan jaǵdaıda ekıpajdardyń basty mindeti – oǵan tosqaýyl qoıý, áýeaılaqqa qonýǵa májbúrleý edi.




Sonymen qatar, oqý-jattyǵýlar barysynda ushqyshtar basqarylatyn jáne basqarylmaıtynavıatsııalyq zymyrandar jáne bombalar qoldana otyryp jerdegi nysandardy joıýǵa qatysty oqý-jattyǵý tapsyrmalaryn pysyqtady. Áskerı basqarý organdarynyń daıyndyq deńgeılerin tekserýge, ushqyshtardyń daıyndyǵyn jetildirýge erekshe nazar aýdaryldy.




Aıta ketý kerek, Qazaqstannyń áskerı ushqyshtary kún saıyn - josparlanǵan oqý ushýlarynda, sondaı-aq basqa formattaǵy jattyǵýlarda shet elderdiń ushqyshtarymen yntymaqtastyqta óz sheberlikterin shyńdaıdy. Ortasha alǵanda bir jylda Qazaqstan Áskerı-áýe kúshteriniń áskerı-kóliktik, maıdandyq jáne armııa avıatsııasynyń jalpy ushý ýaqyty 16 000 saǵattan asady.




Byıl Qazaqstannyń Áskerı-áýe kúshteri «Jaýyngerlik dostastyq – 2019» aýqymdy halyqaralyq oqý-jattyǵýlaryna qatysyp, joǵary daıyndyq deńgeıin kórsetti.





Joǵary qaraı