Aýa raıy
Astana 9 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Áskerıler elimizdiń birqatar óńirinde dezınfektsııalaý jumystaryn bastady

2020 jyldyń 19 shilde 2020 08:54

NUR-SULTAN. QazAqparat - Elimizdiń Qarýly Kúshteri jergilikti atqarýshy organdar men tótenshe jaǵdaı organdaryna garnızondarynda dezınfektsııalyq jumystar júrgizýge kómek kórsetýdi qaıta bastady, dep habarlaıdy Qorǵanys mınıstrliginiń baspasóz qyzmeti.

Qazirgi tańda Aqmola, Aqtaý, Atyraý, Qyzylorda, Taraz jáne Shymkent garnızondarynda óńdeý jumystary qolǵa alyndy.

Eldimekenderdi óńdeýge jumyldyrylǵan qurama jasaq arnaıy tehnıkamen, ARS-14 avto quıý stantsııalarymen, óńdeý jıyntyǵymen jáne dezınfektsııalaý quraldarymen qamtamasyz etilgen.

Ótken aptada jalpy aýdany 751 myń sharshy metrden asatyn 450-den astam áleýmettik mańyzy bar jáne basqa da nysandar dezınfektsııalandy.

Ákimdikterdiń ótinimderi boıynsha 18 shildede dezınfektsııalaý jumystary Aqtaý, Atyraý jáne Nur-Sultanda júrgiziledi. Áskerı qyzmetshiler tańerteń jumystaryn bastap, 27 áleýmettik mańyzy bar jáne 35 qalalyq nysandardy óńdeıdi. Qala turǵyndary kóp jınalatyn jerlerge de erekshe kóńil bólinedi.

Óńdeý jospary jergilikti atqarýshy organdardyń ótinimderi boıynsha qalyptasady. Dezınfektsııalaý jumystaryn 25 shildege deıin jalǵastyrý josparlanyp otyr, biraq qajettiligine qaraı merzimi uzartylýy múmkin.


Basty sózder: Ásker, Qoǵam, Medıtsına,
Joǵary qaraı