Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Assambleıa «Qazaqstan halqyna» qory jumysyna belsene qatysady – Marat Ázilhanov

2022 jyldyń 18 qańtar 2022 17:17

NUR-SULTAN. QazAqparat – Qazaqstan halqy Assambleıasy «Qazaqstan halqyna» qorynyń qyzmetine belsene atsalysady. Bul týraly QHA tóraǵasynyń orynbasary Marat Ázilhanov málim etti, dep habarlaıdy QazAqparat tilshisi.

«Memleket basshysynyń halyqqa taıaýdaǵy úndeýi el damýyna jańa serpin berip otyr. Jańa Qazaqstandy bárimiz birge jasaımyz. Sońǵy kúnderi el taǵdyryna qatysty júıeli sheshimder qabyldanyp jatyr. Sonyń ishinde halyq múddesi úshin qurylyp otyrǵan «Qazaqstan halqyna» qoryn aıtýǵa bolady. Qordyń maqsaty aqsha jınaý ǵana emes, ár azamattyń áleýmettik jaýapty bolý kerektigin kózdeıdi. Osyǵan oraı Qazaqstan halqy Assambleıasy qor jumysyna belsene qatysady. Biz Prezıdent kótergen bastamalardy tolyq qoldaımyz. Jáne ony júzege asyrýǵa óz úlesimizdi qosamyz», - dedi Marat Ázilhanov.

Sondaı-aq tóraǵa orynbasary halyq arasynda «Qazaqstan halqyna» qory qyzmetine qatysty túsindirý jumystary uıymdastyrylatynyn aıtty.

«25 qańtardan bastap Assambleıa músheleriniń qatysýymen elimizdegi barlyq «Dostyq» úılerinde qor jumysyna qatysty sharalar ótedi. Onyń ishinde metsenattarmen de kezdesýler ótkizý jospary bar. Qor halyq ıgiligi úshin qurylyp otyr, sondyqtan onyń jumysyn ilgeriletýge ár azamat úlesin qosqan jón», - deıdi ol.

Buǵan deıin Marat Ázilhanov elde bolǵan jappaı tártipsizdikterge Qazaqstandaǵy etnos ókilderi qatyspaǵanyn aıtqan edi.


Joǵary qaraı