Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Assambleıaǵa patrıottyq uıym retinde qurmet kórsetýimiz kerek – Toqaev

2021 jyldyń 21 qazan 2021 12:52

NUR-SULTAN. QazAqparat – QR Prezıdenti Qasym-Jomart Toqaev QHA-nyń patrıottyq ıdeologııadaǵy róline toqtaldy, dep habarlaıdy QazAqparat tilshisi.

«Búginde assambleıanyń konstıtýtsııalyq mártebesi bar. Ol óz qyzmetinde qazaqstandyqtardy eldiń qoǵamdyq-saıası ómirine keńinen tartýǵa baǵyttalǵan jańa tásilder men standarttardy engizedi. Assambleıa árqashan memlekettik tildi nasıhattaýǵa jáne onyń Qazaqstandaǵy mártebesin nyǵaıtýǵa kóp kóńil bóldi. Bul úshin biz QHA-ǵa patrıottyq uıym retinde qurmet kórsetýimiz kerek. Azamattyq belsendiliktiń qaıyrymdylyq, áleýmettik kásipkerlik, metsenattyq, medıatsııa sııaqty jańa nysandary ádettegi tájirıbege aınaldy», - dedi Prezıdent QHA keńesiniń keńeıtilgen otyrysynda.

Prezıdenttiń aıtýynsha, álemdik tájirıbe etnıkalyq faktor, ultaralyq qatynastar áli kúnge deıin túrli qaqtyǵystardyń tutandyrǵysh ottyǵy bolyp otyrǵanyn kórsetken.

«Onyń destrýktıvti áleýeti aqparattyq jáne gıbrıdtik soǵystardyń qazirgi zamanynda, popýlıstik málimdemeler men alypsatarlyqtyń jıilep ketken kezeńinde kúsheıe tústi», - dedi Qasym-Jomart Toqaev.


Joǵary qaraı