Aýa raıy
Astana -18 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

«Astana AEK» laýazymdy tulǵalary tergeýge alyndy

2020 jyldyń 7 tamyz 2020 16:13

NUR-SULTAN. QazAqparat - Elordanyń aımaqtyq energetıkalyq kompanııasynyń laýazymdy tulǵalaryna qatysty sotqa deıingi tergeý bastaldy. Bul týraly QR Sybaılas jemqorlyqqa qarsy is-qımyl agenttigi 1-shi departamentiniń asa mańyzdy ister jónindegi tergeýshisi Danııar Bıgaıdarov aıtty, dep habarlaıdy QazAqparat tilshisi.

«Nur-Sultan qalalyq sybaılas jemqorlyqqa qarsy qyzmeti «Astana AEK» AQ-nyń qarajatyn alaıaqtyq jolymen jymqyrý faktisi boıynsha AQ-nyń laýazymdy tulǵalaryna qatysty sotqa deıingi tergeýdi bastady. Kompanııanyń basqarma tóraǵasynyń orynbasary, sondaı-aq oǵan baǵynysty – Saryarqa AEK basshysy jáne AQ-nyń satý bóliminiń basshysy, 2020 jyly zańdy tulǵalardyń shyǵyn retinde esepten shyǵarylǵan elektr energııasyn naqty tutyný kólemin azaıtý arqyly AQ-nyń 50 mıllıon teńgeden astam somasyn jymqyrǵanyn anyqtaldy», - dedi ol.

Onyń atap ótýinshe, zańdy tulǵalardyń tutynǵan elektr qýaty úshin AQ-ǵa tólenetin qarajattyń 100-ynyń 30-yn AQ-nyń laýazymdy tulǵalary para retinde ıemdengen. 50 paıyzyn shyǵyn retinde esepten shyǵarǵan. Al qalǵan 20 paıyzy AQ-ǵa tólengen. Osylaısha, AQ zańdy tulǵalar tutynǵan elektr qýaty úshin tólemniń 80 paıyzyn alǵan joq.

«Aktsıonerlik qoǵam basqarmasy tóraǵasynyń orynbasary jáne satý bóliminiń basshysy QR Qylmystyq is júrgizý kodeksiniń 128-babymen ustalyp, Nur-Sultan qalalyq polıtsııa departamentiniń ýaqytsha oqshaýlaǵyshyna qamaldy. Qazir tergeý jalǵasyp jatyr. Іs boıynsha túpkilikti sheshim qylmystyq is júrgizý zańnamasynyń talaptaryn oryndaý nátıjesi boıynsha qabyldanady. Tergeý múddelerine baılanysty basqa aqparat jarııa etilmeıdi», - dedi ol.


Joǵary qaraı