Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Astana Ballet teatry IX teatr maýsymynda qandaı qoıylymdar kórsetedi

2021 jyldyń 17 qyrkúıek 2021 14:48

NUR-SULTAN. QazAqparat – Astana Ballet teatry «Leonıd Ilıch Brejnevke qarsy Jarqanat adam. Keńestik trıller» spektaklin kórsetedi. Bul týraly teatr dırektory Aleksandr Sovostıanov aıtyp berdi, dep habarlaıdy QazAqparat tilshisi.

«IX teatr maýsymyna kelsek, jyl sońyna deıin úsh úlken premera josparlanǵan. Qazan aıynda bizdiń sahnada Kishi Bronnaıadaǵy teatrdyń gastrolderi ótedi. «Leonıd Ilıch Brejnevke qarsy Jarqanat adam. Keńestik trıller» spektakli qoıylady. Bizdiń oıymyzsha, óte qyzyq qoıylym bolady. Bul Mádenıet jáne sport mınıstrligi Nur-Sultan qalasynyń ákimdigimen birlesip jasaıtyn teatr aptalyǵynda ótedi. Teatr aptalyǵynyń ótetin kúni jaqyn arada habarlanady», - dedi teatr dırektory Ortalyq kommýnıkatsııalar qyzmetinde ótken baspasóz máslıhatynda.

Teatrdyń kórkemdik jetekshisi Nurlan Qanetovtyń aıtýynsha, gastrolder aıaqtalǵan soń Djordj Balanchınniń fortepıano men orkestrge arnalǵan «Kaprıchıo» baletiniń qoıylymy úshin Balanchın qorynan pedagog-repetıtor keledi.

«Sonymen birge bas baletmeıster Mýkaram Avahrıdiń «Taǵdyr bultarystary» jańa baletin qoıý jumysy qatar júredi. Qarasha aıynda Chehııadan pedagog kelip, ártisterimizge master-klass ótkizedi. Jeltoqsan aıynda Ksenııa Zverevanyń «Óner sıntezi» zamanaýı baletiniń jańa qoıylymy kútilýde, onda tek balet qana emes, mýzyka, drama, sán de biriktiriledi. Sáýir aıynyń basynda taǵy bir spektakldiń premeralyq kórsetilimi josparlanǵan. Árıne, kórermen arasynda úlken jetistikke jetken «Qozy Kórpesh pen Baıan Sulý» sııaqty qazirgi repertýardy da usynamyz. Sondaı-aq, jańa jyldyq dástúrli «elkýnchık» shoýlary jáne taǵy basqalary bolady», - dedi N. Qanetov.

Aıta keteıik, Astana Ballet Dýbaıdaǵy EKSPO-2020 búkilálemdik kórmesinde eki qoıylym kórsetedi.

Dýbaı opera sahnasynda 27-28 qazanda - «Mahabbat týraly ańyz», al 29-30 qazanda – «Beıbarys sultan» baleti qoıylady.


Avtor Aıjan Serikjanqyzy
Basty sózder: Nur-Sultan, Mádenıet, Óner, Teatr,
Joǵary qaraı