Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Astana basseınindegi kisi ólimi: Nusqaýshyǵa sot úkimi shyqty

2021 jyldyń 29 qarasha 2021 17:10

NUR-SULTAN. QazAqparat – Nur-Sultan qalasy Saryarqa aýdandyq №2 soty «Astana» sport kesheniniń júzý nusqaýshysy T-ǵa úkim shyǵardy, dep habarlaıdy QazAqparat tilshisi.

Esterińizge sala ketsek, osy jyldyń 16 qańtarynda elordadaǵy sport keshenderi biriniń basseıninen 21 jastaǵy qyzdyń máıiti tabylǵan bolatyn.

Sot barysynda nusqaýshy T basseınge kelýshilerdiń qaýipsizdigin qamtamasz etýdegi mindetterin durys oryndamaı sonyń saldaryna E sýǵa batyp, qaza tapqan.

Sot otyrysynda prokýror T-ny 5 jylǵa bas bostandyǵynan aıyrýdy, al zardap shegýshi tarap ony 8 jylǵa sottaýdy surady.

Sottalýshy óz kinásin moıyndaǵan joq jáne áreketinde qylmys quramynyń joqtyǵyna baılanysty isti toqtatýdy ótindi.

Sot T-nyń zardap shegýshige medıtsınalyq kómek kórsetýge tyrysýyn onyń kinásin jáne jazany jeńildetetin shara dep tanydy.

QR QK 306-baby 3-tarmaǵynda kózdelgen qylmystyq quqyq buzýshylyq abaısyzda jasalǵan qylmysqa jatady.

Onda 4-ten 8 jylǵa deıin bas bostandyǵynan aıyrý túrindegi jaza qarastyrylǵan.

«Atalǵan iske qatysty jaza 4 jyldan aspaýy tıis. Sot sottalýynyń jeke basyn, zardap shegýshi taraptyń ustanymyn qaperge ala otyryp, T-ny 4 jylǵa bas bostandyǵynan aıyrdy. Basseın ıegeri «Arnaýly qamtamasyz etý ortalyǵy» JShS-nen zardap shegýshi tarapqa 10 mln teńge moraldyq zalal ótemaqysy óndirip alyndy. Sot úkimi zańdy kúshine engen joq», - delingen Astana qalalyq soty taratqan aqparatta.


Avtor Marlan Jıembaı
Basty sózder: Oqıǵa, Nur-Sultan,
Joǵary qaraı