Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Astana LRT isi fıgýranttaryn Interpol izdep jatyr ma - Antıkor basshysy túsinik berdi

2021 jyldyń 9 jeltoqsan 2021 12:47

NUR-SULTAN. QazAqparat - QR Sybaılas jemqorlyqqa qarsy is-qımyl agenttiginiń tóraǵasy Marat Ahmetjanov eloradada qurylysy bitpeı qalǵan Astana LRT jobasyna jaýaptylardy izdeýge qatysty túsinik berdi, dep habarlaıdy QazAqparat tilshisi.

Ortalyq kommýnıkatsııalar qyzmetinde ótken baspasóz máslıhatynda tilshi Antıkor basshysyna «Májiliste depýtattar shetelge qashyp ketken Astana LRT isi boıynsha qylmystyń negizgi fıgýranttary elorda ákiminiń burynǵy orynbasary Qanat Sultanbekov pen Astana LRT burynǵy basshysy Talǵat Ardannyń halyqaralyq izdeýde ekenine kúmán keltirgen bolatyn. Sondaı-aq, bıyl tamyzda keıbir BAQ ókilderi olardyń ınterpoldyń izdeý tiziminde joq ekeni týraly habar taratty. Osyǵan baılanysty pikir bildirseńiz, olar halyqaralyq izdeýde me?» degen saýalyn joldady.

«Olar halyqaralyq izdeýde, ıaǵnı ınterpoldyń baqylaýynda. Al shetelde ustalǵan azamattardy Qazaqstanǵa qaıtarý - ár elmen jeke qaralatyn másele. Bizde barlyq eldermen birdeı ekstradıtsııalaý máselesi jolǵa qoıylmaǵan. Osy oraıda búginde Qazaqstan GREKO halyqaralyq uıymyna múshe bolyp kirdi. Endigi ýaqytta biz elden sybaılas jemqorlyq jasap shetelge qashqan qylmyskerlerdi izdeý, ustap berip, ony elge qaıtarý baǵytynda aýqymdy jumysty qolǵa alyp jatyrmyz. Óıtkeni, bul - uzaq protsess, qylmyskerdi shetelden ustaǵannyń ózinde bir kúnniń ishinde ony Qazaqstanǵa ákele almaısyń. Al siz aıtqan kisilerdiń ınterpoldyń izdeý tiziminde bar ekenin taǵy da aıtqym keledi», - dep jaýap berdi Marat Ahmetjanov.


Joǵary qaraı