Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Astana Media Week–2021-ge álemdik BAQ top-menedjerleri qatysady

2021 jyldyń 21 qyrkúıek 2021 12:11

NUR-SULTAN. QazAqparat - Elordada 27 jáne 28 qyrkúıekte «Astana Media Week – 2021» jyl saıynǵy sharasy ótedi, dep habarlaıdy QazAqparat QR Aqparat jáne qoǵamdyq damý mınıstrligine silteme jasap.

AMW-2021 barysynda halyqaralyq medıaqaýymdastyq músheleri aqparattyq kún tártibiniń ózekti máselelerin kóteredi. Іs-sharaǵa bedeldi álemdik BAQ-tyń top-menedjerleri, memlekettik apparat ókilderi, tanymal jýrnalıster, qujatshylar jáne AQSh, Ulybrıtanııa, Reseı, Qazaqstan, Ózbekstan, Qyrǵyzstan blogerleri qatysatynyn rastady.

«Astana Media Week» – bul barynsha ómirge beıimdi ıdeıalarǵa, avangardtyq sheshimderge, ilgershil pikirlerge arnalǵan besinshi jyl saıynǵy oqıǵa. Ǵalam beınesin sál aıqyndaý etýge tyrysatyn adamdardyń kózqarasy talasqa túsetin jáne qorǵalatyn oryn.

«Astana Media Week. 2021: faktiler men emotsııalar»

Bir jarym jyldan astam ýaqyttan keıin biz Covid-2019 pandemııasynyń shyndyqtarynda ómir súrýge úırenip kettik, biraq onyń janama áserlerin barlyq salada sezinýdi jalǵastyrýdamyz. Ol árqaısymyzǵa áser etti jáne endi eshkimdi beı-jaı qaldyra almaıdy.

Astana Media Week-2021 eki kúnge sozylady. AMW-2021 oqıǵalary onlaın jáne oflaın-alańdarda da josparlanǵan. Sonymen, onlaın rejıminde «Derekti kıno: tájirbıesi men bolashaǵy» dóńgelek ústeli jáne «Medıany damytý strategııasy» konferentsııasy ótedi. Osy oqıǵalardaǵy talqylaýlarǵa 5 eldiń spıkeri qosylady. «Ótkir áleýmettik taqyryptardy qamtý erekshelikteri» jáne «Qazaq tildi baspalardyń bolashaǵy» atty dóńgelek ústelderi sarapshylardyń, medıamenedjerlerdiń, jýrnalıster men qoǵamdyq pikir kóshbasshylarynyń basyn qosady.

Osy kúnderi Astana Media Week uıymdastyrýshylary Formats Day – jabyq is-sharasyn uıymdastyrady, onda tusaýkeserlerdi álemdegi eń iri teleónim dıstrıbıýtor-kompanııalarynyń ókilderi ótkizedi. Formats Day qatysýshylary jetekshi beıne kontent jasaýshylarynyń seriktesteri bolý múmkindigine ıe bolady.

Bul is-sharanyń baǵdarlamasynda tele- radıobaǵdarlamalardy jasaýda jetekshi mamandardyń, jańalyqtar redaktsııalarynyń, baspasóz qyzmetteriniń basshylarynyń, blogerlerdiń sheber klastar serııasy da jarııalanatyn bolady. Oqytý kontentine qatysty hedlaıner retinde bıznes-jattyqtyrýshy, TMD Spıkerleri qaýymdastyǵynyń prezıdenti Radıslav Gandapas sóz sóıleıdi dep kútilýde.

Sondaı-aq, aldaǵy is-shara barysynda: Jan Fılıpp De Tender - bas dırektordyń orynbasary/ EHTO (Eýropalyq habar taratý odaǵy) BAQ jónindegi dırektory; Vadım Takmenev - «NTV telekompanııasy» AQ bas prodıýseriniń orynbasary; Andreı Pısarev - áleýmettik jáne pýblıtsıstıkalyq baǵdarlamalar dırektsııasynyń dırektory; Brent Haffman - Medill jýrnalıstıka, medıa, ıntegratsııalanǵan marketıngtik kommýnıkatsııalar mektebiniń dotsenti; Shahıda Týlıaganova- áskerı tilshi, prodıýser, rejısser jáne taǵy basqalary pikir-usynystaryn ortaǵa salatyn bolady.

Óz sheberlik synyptaryn usynýǵa daıyn:

Brent Haffman, Medill jýrnalıstıka mektebiniń dotsenti, jazýshy, derekti fılmder men televızııalyq baǵdarlamalar rejısseri;

Radıslav Gandapas, kóshbasshylyq, sheshendik óner jáne jeke tıimdilik týraly kitaptar men fılmderdiń avtory;

Rýslan Álishev, QR Prezıdenti janyndaǵy «Ortalyq kommýnıkatsııalar qyzmeti» RMM dırektory;

Serik Ákishev, prodıýser, CEO SAFL Group;

Aman Tasyǵan, «Aman Tasygan Live» Youtube-arnasynyń avtory.

«Astana Media Week-2021» moderatorlary:

Erlan Bekhojın, «Habar» agenttigi» AQ Basqarma tóraǵasy;

Armanjan Baıtasov, medıamenedjer, «Tan Media Group» ıesi;

Raýan Kenjehan, jýrnalıst;

Marjan Elshibaeva, jýrnalıst, qoǵam qaıratkeri;

Erjan Sýleımenov, medıasarapshy, medıajattyqtyrýshy, prodıýser;

Dınara Bısembına, «Habar» telearnasynyń dırektory.

«Astana Media Week-2021» tolyq baǵdarlamasyn Siz astanamediaweek.kz. resmı resýrsynan taba alasyz. Oqıǵa jańalyqtary áleýmettik jeliler paraqshalarynda jarııalanady.


Basty sózder: Nur-Sultan, BAQ,
Joǵary qaraı