Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Astana mektepterinde qaýipsizdik qalaı arttyrylady: Altaı Kólginov tapsyrmalary

2021 jyldyń 14 mamyr 2021 15:43

NUR-SULTAN. QazAqparat – Nur-Sultan qalasynyń ákimi Altaı Kólginov mektep dırektorlarymen onlaın kezdesip, oqý mekemeleriniń qaýipsizdigin qamtamasyz etýdegi problemalardy talqylady, dep habarlaıdy QazAqparat.

Elorda basshysynyń aıtýynsha, oqýshylar ózderin mektep qabyrǵasynda qaýipsiz sezinýi kerek. Ol úshin birqatar sharalar qabyldandy: mektepter kameralarmen, dabyl túımelerimen, týrnıkettermen jabdyqtaldy. Mektep basshylary kúzet uıymdarymen sharttar jasasty. Degenmen áli de birqatar másele qalyp otyr.

«Birinshi. Barlyq oqý oryndary beınebaqylaý kameralarymen jabdyqtalǵan. Degenmen, beınebaqylaý arqyly kamera «kózi jetpeıtin« aımaqtardy da qamtý qajet.
Ekinshi. Kúzet uıymdarymen sharttar jasaldy. Atalǵan uıymdarǵa qoıylatyn talaptardy kúsheıtýdi tapsyrdym. Sebebi muǵalimder men oqýshylardyń qaýipsizdigin qamtamasyz etý mańyzdy.
Úshinshi. Júgensiz jasóspirimder men qıyn jaǵdaıǵa tap bolǵandardy anyqtaýda oqý oryndarynyń qyzmetkerleri mańyzdy ról atqarady. Mektep psıhologtarynyń, medıtsına qyzmetkerleriniń jáne ıývenaldy polıtsııa qyzmetkerleriniń jumysyn kúsheıtý kerek. Sondaı-aq qoǵamdaǵy moraldyq qundylyqtardy nyǵaıtý, synyptardaǵy ahýaldy jaqsartý jónindegi jumystardy turaqty negizde júrgizý qajet.
Tórtinshi. Ár mektepte fakýltatıvti sabaqtar ótkiziledi, onda oqýshylarǵa qaýip týyndaǵan kezde ózin qalaı ustaý kerektigi túsindiriledi. Bul sabaqtarǵa nazar aýdaryp, oǵan barynsha baıyppen qaraý kerek», - dedi A.Kólginov.

Nur-Sultan ákiminiń osy tapsyrmalaryna oraı, Bilim basqarmasynyń basshysy men mektep dırektorlary qosymsha jabdyqtar satyp alý úshin (qosymsha beınebaqylaý kameralaryn, týrnıketterdi, basqa da arnaıy tehnıkany alýǵa) tizimder usynatyn boldy.

«Qazan qalasyndaǵy mektepte bolǵan qaıǵyly oqıǵadan árkim sabaq alýy kerek: oqý oryndarynyń qaýipsizdigin qamtamasyz etý árqaısymyzǵa baılanysty. Oqýshylar men muǵalimderdiń qaýipsizdigi máselelerine jaýapsyzdyq tanytpaý qajet», - dep túıindedi astana ákimi Altaı Kólginov.





Basty sózder: Basqa memorgandar, Ákim, Bilim, Nur-Sultan,
Joǵary qaraı