Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Astana Open: Aleksandr Býblık jartylaı fınalǵa shyqty

2021 jyldyń 24 qyrkúıek 2021 21:10

NUR-SULTAN. QazAqparat - Qazaqstannyń birinshi, álemniń 34-raketkasy Aleksandr Býblık Astana Open ATP 250 týrnıriniń jartylaı fınalyna shyqty, dep habarlaıdy QazAqparat tilshisi.

Osy jarystyń ekinshi raketkasy A.Býblık shırek fınalda dúnıejúzilik reıtıngte 117-orynda turǵan ıspanııalyq Karlos Tabernermen kúsh synasty.

Birinshi partııa barysynda breık jasaǵan qazaqstandyq tennısshi sol basymdylyǵyn saqtap qaldy - 6:3.

Ekinshi sette esep 3:3 bolǵan mezette Býblık taǵy da breıkke qol jetkizip, matchty jeńispen túıindedi - 6:4.

Saǵat jarymǵa jýyq ýaqytqa sozylǵan báseke Býblık 17 eıs jasasa, qarsylasy tórteýden asa alǵan joq.

A.Býblık fınalǵa shyǵý úshin álemniń 82-raketkasy, ońtústikkoreıalyq Kvon Sýn Výmen talasady. Ol shırek fınalda álemniń 49-ynshy, dodanyń 7-raketkasy, serbııalyq Laslo Dereni 7:6 (7:4), 2:6, 6:0 esebimen utty.

Eske sala keteıik, budan buryn Elena Rybakınanyń Ostravada , Astana Open týrnırinde A.Býblıktiń shırek fınalǵa shyqqanyn jazǵan bolatynbyz.

A.Golýbev pen A.Nedovesov jartylaı fınalǵa shyǵa almady .


Avtor Eljan Eraly
Basty sózder: Sport,
Joǵary qaraı