Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Astana Open: Anna Danılına tartysty matchta ese jiberdi

2021 jyldyń 28 qyrkúıek 2021 16:03

NUR-SULTAN. QazAqparat - Qazaqstandyq Anna Danılına Astana Open WTA 250 týrnıriniń ekinshi aınalymyna shyǵa almady, dep habarlaıdy QazAqparat tilshisi.

Dúnıejúzilik reıtıngte 287-orynda turǵan qazaqstandyq tennısshi alǵashqy aınalymda álemniń 62-inshi, osy jarystyń 3-raketkasy, frantsııalyq Krıstına Mladenovıchpen sheberlik baıqasty.

Birinshi partııada Mladenovıch basymdylyq tanytty - 6:4.

Ekinshisinde Danılına taı-breıkte sáttirek oınady - 7:6 (7:5).

Úshinshi, sheshýshi partııada jeńis frantsııalyq sportshynyń qanjyǵasynda ketti - 6:4.

Úsh saǵatqa jýyq ýaqytqa sozylǵan tartysty matchta Danılına 2 eıs jasap, 16 breık-poıntttyń toǵyzyn paıdalandy. Qarsylasy 11 breıkke (16 breık-poınt) qol jetkizdi.

Osylaısha A.Danılına jekeleı synda jarys jolynan shyǵyp qaldy. Degenmen ol juptyq synda dodany jalǵastyrady.

Eske sala keteıik, budan buryn Anna Danılınanyń Astana Open týrnırin jeńispen bastaǵanyn jazǵan bolatynbyz.



Avtor Eljan Eraly
Basty sózder: Sport,
Joǵary qaraı