Aýa raıy
Astana -25 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Astana Open: Dmıtrıı Popko tartysty matchta utylyp qaldy

2020 jyldyń 26 qazan 2020 18:46

NUR-SULTAN. QazAqparat – Qazaqstandyq Dmıtrıı Popko Astana Open ATP 250 týrnıriniń ekinshi aınalymyna óte almady, dep habarlaıdy QazAqparat tilshisi.

Jarysqa arnaıy shaqyrtýmen qosylǵan, dúnıejúzilik reıtıngte 172-orynda turǵan D.Popko álemniń 85-raketkasy, moldovalyq Radý Albotpen kúsh synasty.

Birinshi partııany D.Popko breıkpen bastaǵanymen, qarsylasy tarazy basyn teńestire bildi – 1:1. Degenmen esep 4:4 bolǵan mezette breık jasap, sosyn óz geımin ala bildi – 6:4.

Ekinshi sette moldovalyq sportshy 2:0 esebimen alǵa ketti. Budan keıin D.Popko breık jasaǵanymen, óz geımin berip qoıdy – 1:3. Sodan keıin esepti teńestire aldy – 4:4. Biraq R.Albot setti breıkpen túıindeı bildi – 6:4.

Úshinshi, sheshýshi partııada R.Albot esep 5:4 bolǵan mezette breık jasap ketti – 6:4. Kerisinshe D.Popko set barysynda mundaı múmkindigin paıdalana almady.

Asa tartysty báseke 2 saǵat 50 mınýtqa sozyldy.

R.Albot ekinshi aınalymda álemniń 59-raketkasy, amerıkalyq Tommı Pol nemese reıtıngte 73-satydaǵy ıtalııalyq Stefano Travalıanyń bireýimen kezdesedi.

ATP 250 dárejesinde alǵash ótip jatqan Astana Open dodasynda Qazaqstannnan sondaı-aq Aleksandr Býblık, Mıhaıl Kýkýshkın jáne Tımofeı Skatov óner kórsetedi. Alǵashqy aınalymda A.Býblık amerıkalyq Makkenzı Makdonaldpen, M.Kýkýshkın argentınalyq Federıko Delbonıspen sheberlik baıqasady.

Eske sala keteıik, budan buryn Denıs Evseevtiń irikteý saıystarynan óte almaǵanyn jazǵan bolatynbyz.


Avtor Eljan Eraly
Basty sózder: Sport, Nur-Sultan,
Joǵary qaraı