Aýa raıy
Astana -23 °S
Almaty -10 °S
valıýta baǵamy
USD 421.58
EUR 496.83
RUB 5.53
CNY 62.20

Astana Open: Kýkýshkın týrnırdiń birinshi raketkasyn utty

2020 jyldyń 29 qazan 2020 20:48

NUR-SULTAN. QazAqparat – Qazaqstandyq Mıhaıl Kýkýshkın Astana Open ATP 250 týrnıriniń shırek fınalyna shyqty, dep habarlaıdy QazAqparat tilshisi.

Dúnıejúzilik reıtıngte 91-orynda turǵan M.Kýkýshkın ekinshi aınalymda álemniń 28-inshi, osy jarystyń 1-raketkasy, frantsııalyq Benýa Permen kúsh synasty.

Bul qarsylastardyń ózara alǵashqy kezdesýi edi.

Birinshi partııany bastaǵan M.Kýkýshkın qarsylasynyń breık jasaýyna múmkindik berip qoıdy. Degenmen set barysynda tarazy basyn teńestirdi – 4:4. Taı-breıkte frantsııalyq tennısshi sátti oınady – 7:6 (7:4).

Ekinshi sette de Benýa Per breıkpen alǵa ketti – 3:0. Qazaqstandyq tennısshi esepti qaıta teńestirdi – 4:4. Sosyn taı-breıkte esesin jibergen joq – 7:6 (7:2).

Úshinshi, sheshýshi partııany Kýkýshkın óte qarqyndy ótkizdi – 6:1.

Tartysty báseke 2 saǵat 14 mınýtqa sozyldy.

M.Kýkýshkın jartylaı fınalǵa shyǵý úshin álemniń 98-raketkasy, 21 jastaǵy fınlıandııalyq Emıl Rýýsývýorımen talasady. Ol birinshi kezdesýinde qazaqstandyq Tımofeı Skatovty qınalmaı (6:2, 6:0) jeńse, búgin álemniń 60-raketkasy, aýstralııalyq Djordan Tompsonnan 6:2, 3:6, 6:4 esebimen aılasyn asyrdy.

Jumaǵa belgilengen shırek fınalda sondaı-aq frantsııalyq Adrıan Mannarıno men amerıkalyq Makkenzı Makdonald, Belarýs ókili Egor Gerasımov pen amerıkalyq Frensıs Tıafo, taǵy bir amerıkalyq Tommı Pol men aýstralııalyq Djon Mıllman ózara sheberlik baıqasady.

Fınaldyq match 1 qarasha kúni ótedi.

Eske sala keteıik, budan buryn Mıhaıl Kýkýshkınniń Astana Open týrnırin jeńispen bastaǵanyn, al Aleksandr Býblıktiń jeńilip qalǵanyn jazǵan bolatynbyz.


Avtor Eljan Eraly
Basty sózder: Sport,
Joǵary qaraı