Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Astana Open: Jibek Qulambaeva ekinshi aınalymǵa shyǵa almady

2021 jyldyń 27 qyrkúıek 2021 14:23

NUR-SULTAN. QazAqparat - Qazaqstandyq Jibek Qulambaeva Astana Open WTA 250 týrnıriniń ekinshi aınalymyna shyǵa almady, dep habarlaıdy QazAqparat tilshisi.

Qazaqstandyq tennısshi betashar kezdesýin osy jarystyń ekinshi raketkasy, belgııalyq Elıson Van Eıtvankpen ótkizdi.

Birinshi partııada belgııalyq sportshy 6:3 esebimen basym tústi.

Ekinshisinde Jibek qaıyra breık jasap, tarazy basyn teńestirip qana qoımaı, 4:3 esebimen alǵa shyqqanymen, sol qarqyndy jalǵastyra almady. Aqyry tájirıbeli qarsylasyna 4:6 esebimen ese jiberdi.

Saǵat jarymǵa jýyq ýaqytqa sozylǵan matchta 21 jastaǵy Qulambaeva 4 breık-poınttyń ekeýin paıdalandy. Belgııalyq tennısshi 5 eıs jasap, 6 breık-poınttyń beseýin paıdalana bildi.

J.Qulambaeva endi Gózal Aınıtdınovamen birge juptyq synda óner kórsetedi.

Astana dodasynda erteń Qazaqstannan jekeleı synda ıÝlııa Pýtıntseva, Zarına Dııas jáne Anna Danılına kortqa shyǵady.

Eske sala keteıik, budan buryn Astana Open WTA týrnırinde qazaqstandyq tennısshilerdiń qarsylastary belgili bolǵanyn, Tımofeı Skatovtyń ATP reıtıngisinde rekordtyq kórsetkishke qol jetkizgenin jazǵan edik.



Avtor Eljan Eraly
Basty sózder: Qoǵam, Sport,
Joǵary qaraı