Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Astana protsesi: Barlyq tarap kelissózderge qatysady

2019 jyldyń 9 jeltoqsan 2019 17:59

NUR-SULTAN. QazAqparat - Elordada ótetin Astana protsesine kelissózderge qatysýshy barlyq tarap keledi. Bul týraly búgin QR Syrtqy ister mınıstrliginiń resmı ókili Aıbek Smadııarov aıtty, dep habarlaıdy QazAqparat tilshisi.

«10-11 jeltoqsanda Nur-Sultanda Astana protsesi aıasynda Sırııa boıynsha joǵary deńgeıdegi 14-shi halyqaralyq kezdesý ótetini málim. Sırııa boıynsha Astana protsesiniń barlyq taraptary kelissózderge qatysatynyn rastady jáne bizdiń elordamyzǵa kele bastady. Olardyń arasynda kepilger-memleketterdiń delegatsııalary – Reseı, Túrkııa jáne Iran, Sırııa úkimeti men Sırııa qarýly oppozıtsııasy bar», -dedi Aıbek Smadııarov.

Onyń atap ótýinshe, kezdesýge baqylaýshy retinde BUU bas hatshysynyń Sırııa jónindegi arnaıy ókili Geır Pedersenniń basshylyǵymen arnaıy delegatsııa qatysady. Reseı delegatsııasyn RF Prezıdentiniń Sırııa boıynsha arnaıy ókili Aleksandr Lavrentev basqarady. Iran delegatsııasy eldiń Syrtqy ister mınıstriniń saıası máseleler jónindegi aǵa kómekshisi Alı Asgar Hadjıdiń basshylyǵymen qatysatyn bolady.

«Іs-shara bastalǵanǵa deıin bir kún buryn kepilger-elderdiń ókilderi sarapshylar deńgeıinde eki jaqty jáne úsh jaqty konsýltatsııalar ótkizýge nıetti. Jalpy otyrys barlyq taraptardyń qatysýymen 11 jeltoqsanǵa josparlanǵan», - dedi ol.

Joǵary qaraı