Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Astana protsesi: Taraptar Sırııadaǵy oq atýdy toqtatýǵa ýaǵdalasty

2019 jyldyń 2 tamyz 2019 20:23

NUR-SULTAN. QazAqparat – Sırııa daǵdarysy boıynsha Astana protsesiniń 13-shi kezdesýinde Sırııadaǵy oq atýdy toqtatý týraly kelisimge qol jetkizildi. Bul týraly sırııalyq oppozıtsııa delegatsııasynyń jetekshisi Ahmad ál-Toýma málimdedi, dep habarlaıdy QazAqparat tilshisi.

«Biz munda óte mańyzdy mindetpen - Sırııadaǵy atylǵan oqty, kúndelikti jasalyp jatqan qylmysty toqtatý úshin keldik. Sonymen birge, Idlıbtegi baýyrlarymyzdyń beınetin toqtatqymyz keledi. Qarqyndy kelissózderden soń oq atýdy toqtatý boıynsha kelisimge qol jetkizdik. Bul ýaǵdalastyq ǵasyrdyń eń basty qylmysyn toqtatýdy jáne kepil memleketter tarapynan bul kelisimdi oryndaý mindettemesin qarastyrady», - dedi Ahmad ál-Toýma elordada Astana protsesiniń qorytyndysyna arnalǵan baspasóz máslıhatynda.

Onyń aıtýynsha, sırııalyq oppozıtsııa kelisim rejımin saqtaýdy talap etedi jáne Sırııanyń beıbit turǵyndary men ómirlik mańyzdy nysandaryna shabýyl jasamaýǵa shaqyrdy.

«Sırııanyń demokratııalyq dáýirge aýysýyna múmkindik beretin saıası sheshiminen ádildik tabý úshin Astana alańyn qoldanyp otyrmyz. Eki kún boıy suraqtardyń basym bóligi osy kinámshil máseleniń aınalasynda boldy», - dep atap ótti ol.

Sonymen birge, Ahmad ál-Toýma Sırııanyń konstıtýtsııalyq komıtetiniń qurylýy týraly aıtyp berdi.

«Bul másele BUU qamqorlyǵymen ońynan sheshilip kele jatyr. Jaqyn arada BUU bul komıtettiń qurylǵanyn jarııalaıdy dep úmittenemin. Konstıtýtsııalyq komıtet Sırııa jaǵdaıyn sheshýdegi mańyzdy qadam bolady dep kútip júrmiz», - dedi ol.

Aıta keteıik, Sırııa úkimeti delegatsııasynyń basshysy Bashar Djafarı Astana protsesiniń 13-kezdesýiniń qorytyndy málimdemesin joǵary baǵalaǵan bolatyn.


Joǵary qaraı