Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Astana protsesiniń 15-raýndy 2020 jyldyń naýryzynda ótedi

2019 jyldyń 11 jeltoqsan 2019 17:13

NUR-SULTAN. QazAqparat - Sırııa boıynsha Astana protsesiniń 15-raýndy 2020 jyldyń naýryzynda ótedi. Bul jaıynda Astana protsesiniń kepilger elderi Iran, Reseı jáne Túrkııanyń birlesken málimdemesinde aıtylǵan, dep habarlaıdy QazAqparat tilshisi.

Búgin elordada ótken 14-raýnd qorytyndysyna oraı atalǵan birlesken málimdemeni jarııa etken QR Syrtqy ister mınıstriniń birinshi orynbasary Shahrat Nuryshevtiń aıtýynsha, qujatta Iordanııa, Irak jáne Lıvan delegatsııalarynyń Astana formatyna baıqaýshy el retinde syndarly qatysýyna rızashylyq tanytylǵan. Sonymen qatar bul elderdiń Sırııadaǵy beıbitshilik pen turaqtylyqty qalpyna keltirý isindegi mańyzdy róli atalyp ótilgen.

«Qazaqstan bıligine Astana formatyndaǵy Sırııa boıynsha 14 halyqaralyq kezdesýdi Nur-Sultanda ótkizgeni úshin shynaıy rızashylyqtaryn bildirdi. Astana formatyndaǵy Sırııa boıynsha kelesi halyqaralyq kezdesýdi 2020 jyldyń naýryzynda Nur-Sultanda ótkizý týraly sheshim qabyldady», - dedi ol.

Sondaı-aq birlesken málimdemede Astana formatyndaǵy beıindi jumys tobynyń aıasynda zorlyqpen ustalynyp otyrǵan tulǵalardy, kepilge alynǵan adamdardy bosatý operatsııalaryn jalǵastyrý qajettigi aıtylǵan. Sırııanyń búkil aýmaǵynda barlyq sırııalyqtarǵa gýmanıtarlyq járdemdi arttyrý qajettigine nazar aýdarylǵan. Atap aıtqanda, Sırııadaǵy gýmanıtarlyq ahýaldy jaqsartýǵa qoldaý kórsetý maqsatynda halyqaralyq qoǵamdastyq, BUU jáne onyń gýmanıtarlyq agenttikteri sırııalyqtarǵa kómekti ulǵaıtýǵa shaqyrylǵan.

Avtor Marlan Jıembaı
Basty sózder: Astana protsesi, Sırııa,
Joǵary qaraı