Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Astana protsesiniń 17-shi halyqaralyq kezdesýi bıyl ótedi

2021 jyldyń 8 shilde 2021 16:11

NUR-SULTAN. QazAqparat – Astana formatyndaǵy Sırııa boıynsha 17-shi halyqaralyq kezdesý jyl sońyna deıin elordada ótedi. Bul jaıynda kepilger elderdiń birlesken málimdemesinde aıtylǵan, dep habarlaıdy QazAqparat tilshisi.

«Iordanııa, Irak jáne Lıvan delegatsııalarynyń, Birikken Ulttar Uıymy men Halyqaralyq qyzyl krest uıymy ókilderiniń Astana formatyndaǵy baıqaýshylar retinde qatysýyn rızashylyqpen atap óttik. Qazaqstan bıligine Nur-Sultan qalasynda Astana formatyndaǵy Sırııa boıynsha 16-shy halyqaralyq kezdesýdi ótkizgeni úshin shynaıy alǵysymyzdy bildirdik», - delingen Astana formatyndaǵy kelissózdiń kepilger elderi Iran Islam Respýblıkasy, Reseı Federatsııasy jáne Túrkııa Respýblıkasynyń birlesken málimdemesinde.

Sonymen qatar atalǵan málimdemede sanıtarlyq-epıdemıologııalyq ahýaldy eskere otyryp, 2021 jyldyń sońyna deıin Nur-Sultan qalasynda Astana formatyndaǵy Sırııa boıynsha 17-shi halyqaralyq kezdesýdi ótkizý sheshimi qabyldanǵany aıtylady.


Joǵary qaraı