«Astana» veloshabandozy «Djıro d’Italııa» jarysynda máre syzyǵyn 11-shi bolyp kesti
NUR-SULTAN. QazAqparat - Kópkúndik «Djıro d’Italııa» velobáıgesiniń 15-kezeńi máresine jetti. Bul joly peloton taýly aımaqta 177 shaqyrym qashyqtyqty baǵyndyrdy, dep habarlaıdy QazAqparat tilshisi.
Atalǵan kezeńde «Trek-Segafredo» komandasynda synǵa túsetin ıtalııalyq Djýlıo Chıkkone jeńis tuǵyryna kóterildi. Ekinshi kórsetkish «Bahrain-Victorious» sapynan kolýmbııalyq Santıago Býıtrago enshisine buıyrsa, úzdik úshtikti «Movistar» sapynan Antonıo Pedrero túıindedi.
Al «Astana» sapynan Fabıo Fellıne máre syzyǵyn on birinshi bolyp qıdy.
Eske salsaq, budan buryn Nur-Sultanda ótetin velojarys 28 mamyrǵa aýystyryldy.
