Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Astanada 1 myńnan astam patsıent esirtkige táýeldilikten emdelip jatyr

2022 jyldyń 13 mamyr 2022 17:42

NUR-SULTAN. QazAqparat – Elordadaǵy medıtsınalyq ortalyqta 1189 adam esirtkige qumarlyqtan arylý úshin em alyp jatyr. Bul týraly Nur-Sultan qalasy qoǵamdyq densaýlyq saqtaý basqarmasy basshysynyń orynbasary Gúlnaz Dosmyrzaeva málim etti, dep habarlaıdy QazAqparat tilshisi.

«Qazirgi ýaqytta narkologııalyq ortalyqta 1189 patsıent em alyp jatyr. Olardyń arasynda 658-i opıoıd zatyn qoldanǵandar, 226-y psıhoaktıvti zattardy qoldanýshy jáne 248 emdelýshi stımýlıator psıhotroptyq zattaryn qoldanǵan. Kámelet jasyna tolmaǵandar arasynda esirtki men psıhoaktıvti zattardyń zııany týraly 26 medıtsınalyq aqparattandyrý sharasy uıymdastyryldy», - dedi Gúlnaz Dosmyrzaeva qalalyq máslıhattyń otyrysynda jasaǵan baıandamasynda.

Onyń málimdeýinshe, búginde esirtkige táýeldilikten artylý maqsatynda em alyp jatqandardyń úlesi 4 paıyzǵa artqan.

«Osyǵan deıin 707 patsıent táýlik boıy jumys isteıtin statsıonarda medıtsınalyq-áleýmettik ońaltýdan ótti. Atap aıtqanda, 599 azamat ishimdikke táýeldi jáne 171 esirtkige táýeldi patsıent», - deıdi ol. Jalpy alǵanda ishimdikke táýeldiler 78 paıyzdy quraıdy, opıoıd zatyna táýeldiler 49 paıyz jáne psıhoaktıvti zattarǵa qumartýshylardyń úlesi 74 paıyzdy qurap otyr», - deıdi ol.

Buǵan deıin kún saıyn elorda dárihanalarynda esirtki tektes 1 myńnan astam dári-dármek satylatyny týraly habarlaǵan edik.


Joǵary qaraı