Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Astanada 403 túlek «Altyn belgi» aldy

2021 jyldyń 16 maýsym 2021 03:05

NUR-SULTAN. QazAqparat – Nur-Sultan qalasynyń ákimi Altaı Kólginov «Altyn belgi» alǵan mektep túlekterimen kezdesti, dep habarlaıdy QazAqparat.

Bıyl astanada 403 oqýshy mektepti «Altyn belgige» aıaqtady. Odan bólek, 367 túlek – úzdik attestat ıegeri. 2020/2021 oqýy jylynda elordalyq oqýshylar respýblıkalyq, halyqaralyq olımpıadalar men baıqaýlarda 1400 medal jeńip aldy. Elordanyń qurama komandasy osymen 14-inshi jyl qatarynan jalpy komandalyq esepte 1-oryndy jáne «Úzdik olımpıadalyq komanda» ataǵyn alyp otyr.






«Ár túlek maqtaýǵa laıyq. Mektep sizderge bolashaqtaryńyz úshin azyq bolar bilim berdi. Ómirlerińizdiń jańa kezeńine sizder bilimniń mol qorymen aıaq basyp otyrsyzdar.
Budan ári aldaryńyzdan talaı asý shyǵady! Áli alda kóp oqyp, jańa mashyqtar men bilimdi meńgerýlerińiz kerek. Talaı belesti de baǵyndyrasyzdar, biraq jolyńyzda kedergiler de kezdesetin bolady. Sondyqtan eń bastysy – ózderińizge jáne óz kúshińizge degen senimdi joǵaltpaý. Eshteńe de ońaıshylyqpen kelmeıdi, tek mańdaı ter men tereń bilimniń arqasynda dittegen oılaryńyzǵa jetip, óz elińiz ben qalańyzdyń laıyqty azamattary bola alasyzdar», - dedi ákim óz quttyqtaýynda.
Sondaı-aq A.Kólginov memleket tarapynan jastardyń sapaly bilim alýyna barlyq jaǵdaı jasala beretinin atap ótti.










Basty sózder: Nur-Sultan, Bilim, Qoǵam, Jastar, Ákim, Vıdeo,
Joǵary qaraı