Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Astanada №58 mektepte oqýshyǵa dárethanada jasyryn ekpe salyndy - feık

2021 jyldyń 26 qazan 2021 13:34

NUR-SULTAN. QazAqparat - Áleýmettik jeliler men messendjerlerde qazaqstandyqtar Nur-Sultanda №58 mektepte ata-analardyń resmı túrde bas tartýyna qaramastan balalarǵa jasyryn ekpe jasalatyny týraly aqparat tarap jatyr. Habarlamada oqýshylardyń birine dárethanaǵa vaktsına salynǵany aıtylǵan, dep habarlaıdy Stopfake.kz.

Nur-Sultan qalasynyń bilim basqarmasy bul oqıǵaǵa qatysty túsinik berdi.

– A. Bakeeva áleýmettik jelilerdegi paraqshasynda «3-synyp oqýshysyna dárethanada ekpe salyndy» degen jalǵan aqparat jarııalady (balanyń anasynyń sózine silteme jasaı otyryp). Bul aqparat shyndyqqa sáıkes kelmeıdi, ony balanyń anasy rastady. Sondaı-aq, aýysym aýysqan kezde 9-synyp oqýshysynyń jaǵdaıy nasharlaǵan. Osy kezde mektep medbıkesi oqýshyǵa kómek kórsetti, biraq A.Bakeeva erejeni buzyp, ony oqýshyǵa jiberýdi talap etti. A.Bakeeva vıdeoǵa túsirmeý týraly ótinishti elemedi, al bul balanyń quqyǵyn buzý bolyp tabylady. Mekteptiń kezekshi dárigeri oqýshyǵa alǵashqy kómek kórsetti, – dep habarlady vedomstvodan.

Sondaı-aq, mekeme Qazaqstanda mektepterde balalardy COVID-19-ǵa qarsy vaktsınatsııalaý júrgizilmegenin jáne júrgizilmeıtinin atap ótti.

Buryn habarlanǵandaı, elimizde tek 12 jastan asqan balalardy ǵana KVI qarsy egý josparlanǵan.

Bul rette protsedýra tek ata-analardyń kelisimimen ǵana júzege asyrylady.


Joǵary qaraı