Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Astanada eksportqa baǵdarlanǵan ınvestıtsııalyq joba iske aspaı qaldy

2022 jyldyń 2 sáýir 2022 22:05

NUR-SULTAN. QazAqparat – Elordada sanıtarlyq-gıgıenalyq maqsattaǵy ónimder shyǵaratyn «Ipek Kagit Central Asia» JShS zaýyty jabyldy, dep habarlaıdy QazAqparat tilshisi.

Quny 14 mln dollardy quraıtyn, jylyna 17 myń tonna qaǵaz ónimderin shyǵarýǵa qaýqarly zaýyttyń ashylǵany jaıly 2016 jyly buqaralyq aqparat quraldary keńinen jazǵan bolatyn. Óndiris oshaǵy qaǵaz sýlyq, qaǵaz maılyq jáne dárethana qaǵazyn shyǵardy. Investorlardyń josparyna sáıkes, kásiporyn ónimderi taıaý shet elderge, onyń ishinde Reseıge eksportqa shyǵarylýy tıis edi.

Nur-Sultan qalalyq ınvestıtsııalar jáne kásipkerlikti damytý basqarmasynyń málimetinshe, zaýyt 2014 jyldyń maýsym aıynan beri jumys istep keldi. Alaıda, kompanııa ınvestıtsııalyq joba boıynsha kelisimshart mindettemesin tolyqtaı oryndaı almady.

«2021 jyldyń 22 maýsymynda basqarýshy kompanııa men «Ipek Kagit Central Asia» JShS arasynda qyzmetti júzege asyrý jónindegi kelisimshartty buzý týraly kelisim jasasty», - dep atap ótti basqarmadan.


Joǵary qaraı