Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Astanada esigin jaýyp alyp jumys isteıtin kafe-barlar azaımaı otyr

2021 jyldyń 30 shilde 2021 15:21

NUR-SULTAN. QazAqparat - Elordanyń monıtorıng toptary táýlik boıy kúsheıtilgen rejımde jumysyn jalǵastyryp jatyr. Kún saıyn olar qalanyń 100-den astam mekemesi men saýda nysandarynda shekteý sharalarynyń saqtalýyn tekseredi, dep habarlaıdy QazAqparat qala ákimdiginiń resmı saıtyna silteme jasap.

Máselen, ótken táýlikte 8 kásipkerlik nysannyń karantın talaptaryn buzǵany anyqtaldy.

Esil aýdanynda «Chechil Pub» barynda, «Chır-Chic», «Veranda» meıramhanalarynda jumys tártibi saqtalmaǵan. Sondaı-aq, «Alanya» karaoke-meıramhanasy esikterin jaýyp jumys istegen.




Saryarqa aýdanynda karantın talaptaryn buzǵandar tiziminde «K-RIMA» dámdi palaý ortalyǵy, «Peı zdes» laýndj-bary bar.

Belgilengen ýaqyttan keıin Almaty aýdanynda ornalasqan «Eda mıra» kafesine, «Par house», «Parilkino» saýnalarynda kelýshilerdi qabyldaǵan.

Tártip buzýshylarǵa qatysty jınalǵan materıaldar tıisti sharalar qabyldaý úshin aýdandyq sanıtarlyq-epıdemıologııalyq baqylaý basqarmasyna tapsyryldy.

Esterińizge sala keteıik, elordadaǵy epıdemıologııalyq ahýal turaqsyz.

Kún saıyn qalada KVI aýrýynyń 1300-den astam jańa jaǵdaıy anyqtalyp jatyr, aýrýdyń ortasha jáne aýyr aǵymy bar 300-ge jýyq patsıent ınfektsııalyq statsıonarlarǵa túsýde.

Osyǵan baılanysty mamandar Nur-Sultan qalasynyń turǵyndary men qonaqtaryn, sondaı-aq kásipkerlik nysandaryn sanıtarlyq normalar men karantın talaptaryn qatań saqtaýdy suraıdy.

Aıta ketý kerek, ınfektsııanyń ósýin toqtatýdyń jalǵyz tıimdi ádisi – ekpe egý arqyly ujymdyq ımmýnıtetti qalyptastyrý.

Ol úshin vaktsınany halyqtyń 60%-dan astamy alýy tıis.





Basty sózder: Karantın, Qaýipsizdik, Nur-Sultan, Oqıǵa,
Joǵary qaraı