Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Astanada qoǵamdyq kólik baǵasy óse me

2021 jyldyń 12 qarasha 2021 16:03

NUR-SULTAN. QazAqparat – Elordada qoǵamdyq kóliktiń baǵasy kóterilýi múmkin be? Bul suraqqa City Transportation Systems JShS basqarma tóraǵasy Bekmyrza Igenberdınov jaýap berdi, dep habarlaıdy QazAqparat tilshisi.

«Ýaqyt ótken saıyn kez kelgen júıe zaman talabyna saı ózgerip turady. Qazir elordada qoǵamdyq kólik aqysyn tóleýdiń birneshe tásili bar. Endi sol tásilderdi odan ári jetildire túspekpiz. Búginde elordanyń keıbir avtobýstarynda jolaqy tóleýdiń jańa júıesin pılottyq joba retinde engizdik. Osy salamen aınalysatyn 3 kompanııa óz ónimderin usynyp otyr, sonyń ishinen úzdik degen bireýin tańdaıtyn bolamyz. Birden aıtyp keteıin, tólem jasaýdyń jańa júıesin engizýge bıýdjetten qarjy jumsalmaıdy, shyǵyn ınvestordyń esebinen», - dedi Bekmyrza Igenberdınov.

Onyń aıtýynsha, jańashyldyq jolaýshylardyń jaılylyǵy úshin jasalyp jatyr.

«Kópti mazalaıtyn taǵy bir suraq tarıfke qatysty. Baǵa óspeıdi. Engizilip otyrǵan jańashyldyq tek qoǵamdyq kólik aqysyn tóleý júıesine ǵana qatysty. Qalǵany sol burynǵysha jumysyn jalǵastyra beredi», - deıdi ol.

Aıta keteıik, búgin elordada qoǵamdyq kólik aqysyn tóleýdiń jańa júıesi engiziletini habarlandy.

Sondaı-aq, jyl basynan beri 170 myńǵa jýyq jolaýshy qoǵamdyq kólik aqysyn tólemeı júrgeni anyqtaldy.

Odan bólek, avtobýs jumysyna Ashyq júıesin engizý máselesi sóz boldy.


Avtor Álı Ibraev
Basty sózder: Kólik, Nur-Sultan, Tarıf, Baǵa,
Joǵary qaraı