Aýa raıy
Astana 15 °S
Almaty 20 °S
valıýta baǵamy
USD 412.55
EUR 468.66
RUB 5.79
CNY 58.80

Astanada qurylys qaldyqtaryn qaıta óńdeıtin keshen salynady

2020 jyldyń 12 shilde 2020 20:05

NUR-SULTAN. QazAqparat – Nur-Sultan qalasynda qoqys qaldyqtaryn jınaıtyn jáne olardy qaıta óńdeıtin alań salynyp jatyr, dep habarlaıdy QazAqparat.

«Elordanyń shetkeri aımaqtaryna qurylystyq qoqys zańsyz shyǵarylyp jatyr. Bul, ekologııanyń nasharlaýyna jáne qoqys tastaýǵa ruqsat etilmegen oryndar sanynyń artýyna alyp keledi. Osyndaı faktilerge jol bermeý úshin qalada qurylys qaldyqtaryn jınaý jáne óńdeý úshin alań qurylysy bastaldy. Sonymen birge bul «Severnaıa grıada» karerin odan ári qalpyna keltirýge múmkindik beredi», - dep jazdy elorda ákimi Altaı Kólginov Instagram-paraqshasynda.





Qala basshysynyń aıtýynsha, bul, birneshe mańyzdy mindetti sheshýge múmkindik beredi.

«Birinshiden, qurylys qaldyqtaryn jınaýǵa arnalǵan bir ǵana ortalyqtandyrylǵan oryn bolady. Ekinshiden, alańda kirpish, asfalt, beton sııaqty qurylys qaldyqtaryn qaıta óńdeýge arnalǵan usaqtaý keshenin ornatý josparlanǵan. Bul, shıkizattyń bir bóligin qaıta paıdalanýǵa múmkindik beredi. Sonymen qatar qaldyqtardy kádege jaratý protsesin jeńildetedi. Úshinshiden, qaıta óńdelgen qurylys qaldyqtaryn karerdi qalpyna keltirý úshin de paıdalanýǵa bolady», - dedi A.Kólginov.

Eske salaıyq, Prezıdent Qasym-Jomart Toqaev Úkimettiń keńeıtilgen otyrysynda eldi mekender mańyndaǵy qoqys úıindisi máselesin sheshýdi tapsyrǵan bolatyn.








Joǵary qaraı