Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Astanada sońǵy aptada koronavırýs juqtyrý kórsetkishi 43% ósken - VAK

2021 jyldyń 23 maýsym 2021 09:08

NUR-SULTAN. QazAqparat - Premer-Mınıstrdiń orynbasary Eraly Toǵjanovtyń tóraǵalyǵymen Densaýlyq saqtaý mınıstri Alekseı Tsoıdyń qatysýymen QR aýmaǵynda COVID-19 taralýyna jol bermeý jónindegi vedomstvoaralyq komıssııanyń kóshpeli otyrysy ótti. Onda Nur-Sultan qalasy boıynsha epıdemıologııalyq jaǵdaı qaraldy.

Búgingi tańda Nur-Sultan qalasyndaǵy epıdemıologııalyq ahýal qolaısyz bolyp qalýda: sońǵy aptada KVI-men syrqattaný kórsetkishiniń ósýi 43%-ti qurady, tósek-oryn júktemesiniń artqandyǵy jáne emdeýge jatqyzylatyn naýqastar sanynyń ulǵaıý tendentsııasy baıqalady.

Keńeste Densaýlyq saqtaý mınıstrligi basshylyǵy tarapynan qalanyń medıtsınalyq mekemeleri epıdemııaǵa qarsy rejımniń buzylǵandyǵy, KVI juqtyrǵan naýqastarǵa medıtsınalyq kómektiń ýaqytyly kórsetilmeıtini men sapasyzdyǵy, sondaı-aq monıtorıng toptary jumysynyń álsireýi, halyqty vaktsınalaý boıynsha belsendi jumystyń jetkiliksizdigi atap ótildi.

Mamyr aıynda elorda boıynsha halyqty KVI-ǵa qarsy ımmýndaý kórsetkishi sáýir aıymen salystyrǵanda 50% tómendegen.

Barlyq anyqtalǵan kemshilikter boıynsha Eraly Toǵjanov Nur-Sultan qalasynyń ákimdigine bir apta ishinde epıdemıologııalyq ahýaldy turaqtandyrý úshin olardy joıý boıynsha túbegeıli sharalar qabyldaýdy tapsyrdy.

Bul másele VAK-tyń turaqty baqylaýynda bolady.


Joǵary qaraı