Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Astanada úıde qaraýsyz qalyp, 10-qabattyń balkonynan qulaı jazdaǵan eki búldirshin qutqaryldy

2021 jyldyń 5 tamyz 2021 08:24

NUR-SULTAN. QazAqparat - Elordalyq qutqarýshylar qaýipti jaǵdaıda qalyp qoıǵan eki balany qutqardy, dep habarlaıdy QazAqparat.

Qalalyq tótenshe jaǵdaılar departamentiniń baspasóz qyzmeti atap ótkendeı, keshe saǵat 18.02 kezinde órt sóndirý qyzmetiniń «101» pýltine habar kelgen.

Onda Saryarqa aýdany Qosshyǵululy kóshesinde kópqabatty úılerdiń birinde 10-qabat bıiktikte eki balanyń balkonnan oıynshyq laqtyryp oınap otyrǵany aıtylǵan.

Qutqarýshylar kelip jetkende 2013 jáne 2015 jyly týǵan eki balanyń 10-qabatta balkonda oınap otyrǵanyn kóredi.

Balalar úıde úlkenderdiń qaraýynsyz ońasha qalǵan.

Qutqarýshylardyń jedel ári úılesimdi áreketiniń arqasynda avtosaty arqyly balalar qutqarylyp, polıtsııa departamentiniń qyzmetkerlerine tapsyryldy.

Eske sala ketsek, sońǵy qaıǵyly oqıǵa osy jyldyń 2 tamyzynda bolǵan edi. Imanbaeva kóshesinde kópqabatty úıdiń 8-qabatynyń terezesinen 4 jasar bala qulap, mert bolǵan.

Elordalyq TJD taǵy da eskertedi:

- balalardy úlkendersiz qaraýynsyz qaldyrmańyzdar

- balalarǵa qaýipsizdik týraly eskertińizder

- moskıt toryna senbeńizder

- terezeniń jeldetkishine tor ornatyńyzdar

- terezeniń janyna jıhaz qoımańyzdar.




Avtor Janat Qapalbaeva
Basty sózder: Nur-Sultan, Oqıǵa,
Joǵary qaraı