Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Astanada vaktsınalanǵandar arasynda Maldıvke eki joldama oınatylady

2021 jyldyń 25 qazan 2021 21:10

NUR-SULTAN. QazAqparat - Nur-Sultanda koronavırýsqa qarsy vaktsınalanǵandar arasynda Maldıv araldaryna eki adamǵa joldama jáne basqa da baǵaly syılyqtar oınatylady. QazAqparat bul týraly elorda ákimdigine silteme jasap habarlaıdy.

Utys oıynyna 25 qazan men 25 jeltoqsan aralyǵynda (25 jeltoqsandy qosa alǵanda) vaktsınanyń 1-shi komponentin alǵan azamattar qatysa alady. Ekpeni qalanyń kez kelgen vaktsınatsııa pýnktinen alýǵa bolady.

«Utys oıynyna qatysý avtomatty túrde ótedi, azamattarǵa qujattardy toltyryp, tirkelýdiń qajeti joq. Maldıvke eki adamǵa arnalǵan joldamanyń jáne basqa da baǵaly syılyqtardyń utys oıyny Nur-Sultan qalasy ákimdiginiń áleýmettik jelilerdegi (Facebook, YouTube) tikeleı efırinde ótedi», - delingen habarlamada.

Eske salaıyq, buǵan deıin elorda ákimdigi demeýshilermen birlesip koronavırýsqa qarsy vaktsınalanǵandar arasynda eki bólmeli páter, avtokólik, 20-dan astam iPhone12, turmystyq tehnıka jáne basqa da baǵaly syılyqtar oınatqan bolatyn.

Birge platformasynda utys oıynynyń jeńimpazdaryn anyqtaý úshin arnaıy randomaızer servısi ornatylǵan, ol júlde ıelerin vaktsınalanǵandardyń ID generatsııasy arqyly tańdaıdy.


Joǵary qaraı