Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Astanadaǵy kásipqoı boks keshi: Danııar Eleýsinov chempıondyq tıtýlǵa talasady

2021 jyldyń 11 qarasha 2021 02:36

NUR-SULTAN. QazAqparat – 18 jeltoqsan kúni Nur-Sultan qalasynda el Táýelsizdiginiń 30 jyldyǵyna arnalǵan kásipqoı boks keshi ótedi, dep habarlaıdy QazAqparat.

Onda keshtiń basty oqıǵasy jartylaı orta salmaqtaǵy Danııar Eleýsinovtiń (10-0, 6KO) jáne aýyr salmaqtaǵy Ivan Dychkonyń (10-0, 10 KO) jekpe-jekteri bolmaq.

Olımpıada chempıony D.Eleýsinov birden eki tıtýl: IBF Inter-Continental nusqasy boıynsha álem chempıony jáne IBO tıtýly úshin qolǵap túıistiredi.
«18 jeltoqsan. Nur-Sultandaǵy boks keshi. Táýelsizdik kúni. Jartylaı orta salmaqtaǵy álem chempıony tıtýly úshin basty aıqas. Ótkizip almańyzdar!», - dep jazdy Danııar Іnstagram-daǵy paraqshasynda kesh týraly vıdeo-anons jarııalaı otyryp.

Eleýsinov pen Dychkonyń qarsylastary ázirge atalǵan joq.

VKontakte áleýmettik jelisindegi «Qazaqstannyń kásipqoı boksy» paraqshasynda usynylǵan málimetke súıensek, bul kúni rıngke Danııar Eleýsinovtiń inisi Dáýren Eleýsinov (8-1-1, 7 KO) shyǵady. Onyń qarsylasy - 13 aıqasynda jeńiske jetip, 4-eýinde jyǵylǵan ázerbaıjandyq Álı Mammadov.

Profıboks keshi «Habar» telearnasynan kórsetiledi.



Joǵary qaraı