Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Astanadaǵy «Sergek» kameralary 4 aıda 552,8 mln teńgeniń aıyppulyn tirkegen

2022 jyldyń 17 mamyr 2022 14:45

NUR-SULTAN. QazAqparat – Astanadaǵy «Sergek» kameralary 4 aıda 552,8 mln teńgeniń aıyppulyn tirkegen. Nur-Sultan qalasy polıtsııa departamentiniń Ákimshilik polıtsııa basqarmasy bastyǵynyń orynbasary Nurlan Ývaev osyndaı málimet aıtty, dep habarlaıdy QazAqparat.

«Jyl basynan beri elorda kóshelerinde 162 jol-kólik oqıǵasy tirkeldi. Saldarynan 175 adam jaraqat alyp, 3 adam qaıtys boldy. Jyldyń 4 aıynda jol qaýipsizdigi jelisi júrgizýshiler tarapynan jol erejesin buzýdyń 31 myń 070 faktisin tirkedi. Onyń ishinde mas bolyp kólik basqarý – 430, jaıaý júrginshi jol bermeý – 428, jol qıylystarynan ótý erejelerin buzý – 1502, qarsy jolaqqa shyǵý – 83, apatty jaǵdaı týyndatý – 392, aıaldama jáne turaq erejelerin buzý – 2083, jol belgilerin elemeý – 3729, kólik júrgizý quqyǵynan aıyrylǵanyna qaramastan rólge otyrý – 486, ákimshilik qamaýǵa alynǵandar – 397», - dedi basqarma bastyǵynyń orynbasary brıfıngide.

Onyń aıtýynsha, qala kóshelerine ornatylǵan 6000-nan astam «Sergek» kamerasy arqyly 552 mln 834 myń teńgeniń 56 724 aıyppuly tirkelgen. Onyń 40 381-i jyldamdyqty asyrǵany úshin taǵaıyndalǵan.

Ákimshilik polıtsııa basqarmasynyń bólim bastyǵy Baýyrjan Toqjumanovtyń aıtýynsha, kóshede kóligin betaldy qańtaryp ketken júrgizýshilerge de sharalar qoldanylyp jatyr.

«Dozor M» degen arnaıy beınekamera avtokólikke ornatylǵan. Qazirgi tańda sol kamera arqyly 5 myńnan astam ákimshilik aıyppuldar rásimdeldi. ıAǵnı, keıingi 2-3 aptada jol boıyndaǵy basqa kólikterdiń qozǵalysyna kedergi týǵyzǵan, jaıaý júrginshilerdiń jolaǵyna qoıylǵan kólik ıelerine qatysty osynsha shara qoldanyldy», - dedi bólim bastyǵy.

Buǵan deıin qalalyq kólik jáne jol-kólik ınfraqurylymyn damytý basqarmasynyń basshysy Jansultan Saparbaev astana joldaryndaǵy keptelisti sheshý úshin 2 kópir salynatynyn aıtqan bolatyn.


Joǵary qaraı