Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Astanadaǵy Táýelsizdik dańǵyly men №38 kósheniń arasyn jalǵaıtyn kópir kelesi jyly ashylady

2022 jyldyń 17 mamyr 2022 14:18

NUR-SULTAN. QazAqparat – Nur-Sultan qalasyndaǵy Táýelsizdik dańǵyly men №38 kósheniń arasyn jalǵaıtyn kópir kelesi jyly qoldanysqa beriledi, dep habarlaıdy QazAqparat tilshisi.

Bul týraly Nur-Sultan qalasy polıtsııa departamentiniń Ákimshilik polıtsııa basqarmasy bastyǵynyń orynbasary Nurlan Ývaev aıtty,

«Esil ózeniniń oń jáne sol jaǵalaýlaryn jalǵaıtyn 5 avtojol kópiri qoldanysta. Búginde qalanyń bul bóliginde Máńgilik el jáne Turan kósheleri eń negizgi kólik magıstrali bolyp otyrǵanyn bilesizder. Olardyń júktemesi óte tyǵyz. Sol úshin Esil ózeni arqyly oń jáne sol jaǵalaýdy jalǵaıtyn 2 kópir salynyp jatyr. Biri Táýelsizdik jáne №38 kósheniń arasyn jalǵasa, ekinshisi Uly Dala jáne Nájimedenov kósheleriniń arasyn jalǵaıdy. Bul 2 kópir qoldanysqa berilse, Máńgilik el kóshesindegi kólik qozǵalysynyń tyǵyzdyǵy 20 paıyz tómendeıdi degen esep bar. Bıyl shilde aıynda Uly Dala jáne Nájimedenov kósheleriniń arasyn jalǵaıtyn kópir qoldanysqa beriledi dep josparlanǵan. Qazir aspaly joldardyń bári tóselgen. Endi kópir aralyqtaryn ornatý ǵana qaldy. Birinshi qabaty bitip qaldy. Keshe ǵana baryp kórip qaıttym. Bul kópir qoldanysqa berilse, Sol jaǵalaýdaǵy kólik keptelisteri azaıady degen úmit bar», - deıdi Nurlan Ývaev.

Al Esildiń boıyna túsetin ekinshi kópir kelesi jyly salynyp bitýi kerek.

«2023 jyly Táýelsizdik jáne №38 kóshelerdiń arasyn jalǵaıtyn kópir qoldanysqa berilýi kerek. Qazir kópir salynyp jatyr. Joba óte aýqymdy. Qurylys kestesi boıynsha kelesi jylǵa josparlanǵan. Sondyqtan 2023 jyly osy 2 kópir tolyq qoldanysqa enip, kólik aǵyndary qaıta retteledi dep oılaımyn», - dedi departament ókili.

Buǵan deıin qalalyq kólik jáne jol-kólik ınfraqurylymyn damytý basqarmasynyń basshysy Jansultan Saparbaev astana joldaryndaǵy keptelisti sheshý úshin 2 kópir salynatynyn aıtqan bolatyn.


Joǵary qaraı