Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Astanalyq fılarmonııa orkestri áýejaıda óner kórsetti

2020 jyldyń 1 jeltoqsan 2020 14:40

NUR-SULTAN. QazAqparat – Elorda memlekettik akademııalyq fılarmonııasynyń sımfonııalyq orkestri Tuńǵysh Prezıdent kúnine jáne áýejaıdyń 89 jyldyǵyna oraı Nursultan Nazarbaev halyqaralyq áýejaıynda óner kórsetti. 1931 jyldyń 1 jeltoqsanynda «Aqmola-Semeı» reısi oryndalǵan edi, dep habarlaıdy QazAqparat tilshisi.

Áýejaıdyń baspasóz qyzmetiniń málimetinshe, ujym klassıkalyq hıtterden bastap, qazaq folkloryna deıingi merekelik repertýar daıyndaǵan.

«Tuńǵysh Prezıdent kúni men astana áýejaıynyń 89 jyldyǵyna oraı jolaýshylarymyzǵa merekelik, mýzykalyq kóńil-kúı syılaýdy jón kórdik. Bizdiń áýejaıdyń Elbasy atymen atalýy da aıryqsha qýanysh syılaıdy. Sımfonııalyq orkestr bizdiń ıdeıamyzdy qýana qoldady jáne barlyq epıdemıologııalyq-sanıtarlyq normalardy saqtaı otyryp óner kórsetti», - dedi Nursultan Nazarbaev halyqaralyq áýejaıynyń basqarma tóraǵasy Ǵabıt Tájimuratov.

Aıta keteıik, búgin Nursultan Nazarbaev áýejaıynan Túrkistanǵa alǵashqy reıs ushady.

«Búgin sımfonııalyq orkestr ujymy túrli stılder men baǵyttarda alýan túrli baǵdarlama usynady. Biz kórermendermen, tyńdaýshylarmen kezdeskenimizge óte qýanyshtymyz. Árıne, biz úshin bul jańa oryn. Ádette bizdiń ujym zaldarda óner kórsetedi, biraq biz óz tyńdaýshylarymyzben Nursultan Nazarbaev áýejaıynda, ásirese Tuńǵysh Prezıdent kúni júzdeskenimizge qýanyshtymyz», - dedi Nur-Sultan qalasy Memlekettik akademııalyq fılarmonııasy sımfonııalyq orkestriniń kórkemdik jetekshisi Berik Batyrhan.


Joǵary qaraı