Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Astanalyq talapkerlerge «kásibı dıagnostıka» qyzmeti usynylady

2021 jyldyń 15 maýsym 2021 12:12

NUR-SULTAN. QazAqparat – Astanalyq talapkerler kásibı-tehnıkalyq mamandyqty tańdamaı turyp «kásibı dıagnostıkadan» óte alady. Osy arqyly árbir talapker óziniń qandaı mamandyqa beıim ekenin anyqtaı alady dep habarlaıdy QazAqparat tilshisi.

Bul týraly Nur-Sultan qalasy bilim berý basqarmasy basshysynyń orynbasary Rımma Imanǵazınova ákimdiktiń baspasóz oratlyǵynda aıtty.

«Tehnıkalyq jáne kásiptik bilimniń qoljetimdiligin qamtamasyz etý úshin mınıstrlik memlekettik tapsyrysty «Aqsha stýdentpen birge» qaǵıdaty boıynsha ornalastyrýdyń jańa tetigin ázirledi. Eger buryn memlekettik tapsyrys boıynsha bekitilgen oryndarǵa kolledjderge qabyldaý júrgizilse, jańa júıe boıynsha talapkerler kolledjder men mamandyqtardy ózderi tańdaıdy. ıAǵnı memlekettik tapsyrys talapkerlerdiń tańdaýy boıynsha kolledjderge naqty qabyldaý qorytyndylaryna qaraı ornalastyrylady», - dedi Rımma Imanǵazınova.

Onyń aıtýynsha, mundaı qaǵıdat, memlekettik tapsyrysty bólýdiń ashyqtyǵyn qamtamasyz etpek.

«Bıyl alǵash ret barlyq mektep túlekterine aqparattyq júıe arqyly kásibı dıagnostıkadan ótý múmkindigi beriledi. Nátıjesinde talapkerler belgili bir mamandyq boıynsha usynys alady, mamandyqtardyń sıpatymen tanysady. Kásibı dıagnostıkanyń qorytyndylary mamandyq tańdaý kezinde sheshim qabyldaýǵa múmkindik beredi», - dedi basqarma ókili.


Avtor Esimjan Naqtybaı
Basty sózder: Bilim, Nur-Sultan,
Joǵary qaraı