Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Astanalyq urylardyń keıpi sýretteldi

2022 jyldyń 27 qańtar 2022 15:03

NUR-SULTAN. QazAqparat – Elordada urlyq jasaıtyn adamdardyń keıpi qandaı? Jáne ótken jyly qansha ury ustalyp, jazalandy? Bul suraqtarǵa Nur-Sultan qalasy polıtsııa departamenti krımınaldyq polıtsııa basqarmasynyń bólim basshysy Dıas Qadirov jaýap berdi, dep habarlaıdy QazAqparat tilshisi.

«Urylar kóbine jalǵyz áreket etedi. Ótken jyly 2 myńǵa jýyq ury ustalyp, jaýapqa tartyldy. Onyń ishinde 70 qylmyskerdiń toptyq urlyqqa qatysy bar. ıAǵnı birneshe adam toptasyp, uıymdasqan túrde urlyq jasaıdy. Mysaly, biri syrt kóz bolsa, ekinshisi urlaıdy, al úshinshi adam urlanǵan múlikti alyp ketedi. Ustalǵan 2 myń urynyń 1900-i qaltaǵa qol suǵýmen jalǵyz aınalysady», - dedi Dıas Qadirov polıtsııa departamentinde ótken baspasóz máslıhatynda.

Sondaı-aq, polıtsııa departamentiniń ókili astanalyq urylardyń keıpin sýrettep berdi.

«Urlyq qadamyna kóbine jumyssyz adamdar barady. Jáne elordadaǵy 10 urynyń 8-i syrttan kelgender. Sonymen qatar olardyń arasynda ishimdikke qumar jáne psıhotroptyq zattardy qoldanýshylar da bar. Olar jeńil tabysqa kenelý jolynda urlyqqa jasaıdy. Qoldy bolǵan urlyqshy aldymen ızolıatorǵa qamalady. Jáne kúdiktimen áńgime, túsindirý jumysy ótedi. Qajet bolǵan jaǵdaıda psıhologııalyq kómek kórsetiledi. Dúken sórelerinen túrli usaq zattardy urlaıtyndardyń 70 paıyzy nashaqorlar. Olar urlaǵan zattardy basqa dúkenge aparyp, ózin saýda jelisiniń ókilimin dep tanystyryp ótkizedi», - deıdi ol.

Buǵan deıin krımınaldyq polıtsııa basqarmasynyń basshysy elordada urlyq kóbine qaı jerde jasalatyny týraly aıtqan edi.

Odan bólek, brıfıng barysynda elimizde urlyq jasaý qylmysy boıynsha jazanyń qatańdatylǵany belgili boldy.


Avtor Álı Ibraev
Basty sózder: Qylmyspen kúres, Nur-Sultan,
Joǵary qaraı