Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Astanalyqtar Belarýs óner juldyzdarynyń kontsertin tegin tamashalaı alady

2021 jyldyń 1 qazan 2021 22:25

NUR-SULTAN. QazAqparat – Nur-Sultan qalasynda Belarýs Respýblıkasy óner juldyzdarynyń qatysýymen tegin kontsert ótedi, dep habarlaıdy QazAqparat tilshisi.

«Qazaqstanda Belarýs Respýblıkasynyń mádenıet kúnderi aıasynda erteń saǵat 15:00-de Ulttyq mýzeıde Belarýs jas sýretshileriniń kórmesi ashylady. Kórmege qazirgi Belarýsti beıneleıtin týyndylar qoıylady. Sonymen qatar keshki saǵat 19:00-de «Qazaqstan» kontsert zalynda estrada juldyzdarynyń qatysýymen gala-kontsert ótedi. Kontsert úlken baǵdarlamadan turady, osy oraıda qazaqstandyqtardy ulttyq mádenıetimizben tánti ete alamyz dep úmittenemin», - dedi Belarýs Respýblıkasynyń Qazaqstandaǵy Tótenshe jáne Ókiletti elshisi Pavel Ýtıýpın.

Aıta keteıik, elordada Belarýs Respýblıkasynyń mádenıet kúnderi bastaldy.

Sharanyń saltanatty ashylýyna elimizdiń Mádenıet jáne sport mınıstriniń orynbasary Nurǵısa Dáýeshov qatysyp alǵy sóz aıtty.

Mádenıet kúnderi aıasynda 2-3 qazan kúnderi elorda jurtshylyǵy «Kerýen» oıyn-saýyq jáne saýda ortalyǵyndaǵy kınoteatrdan Belarýs fılmderin tegin tamashalaı alady.

Buǵan deıin habarlaǵanymyzdaı, Qazaqstan men Belarýs birlesip ekinshi dúnıejúzilik soǵys týraly fılm túsirdi.


Joǵary qaraı