Aýa raıy
Astana -4 °S
Almaty 0 °S
valıýta baǵamy
USD 389.75
EUR 434.26
RUB 6.12
CNY 55.05

Astanalyqtar jalpyqalalyq senbilikke shyǵady

2019 jyldyń 17 qyrkúıek 2019 09:33

NUR-SULTAN. QazAqparat - Dúnıejúzilik tazalyq jáne Aǵash otyrǵyzý kúnine oraı senbi, 21 qyrkúıek kúni elordada jalpyqalalyq senbilik ótedi, dep habarlaıdy QazAqparat qala ákimdigine silteme jasap.

Senbilikke kásiporyndar, joǵary jáne ortakásiptik oqý mekemeleri, mektepke deıingi jáne jalpy bilim berý ordalary, densaýlyq saqtaý jáne memlekettik mekemeler, ulttyq kompanııalar qatysady dep josparlanǵan.




Aktsııaǵa qatysýshylar qoqysty jınaýǵa arnalǵan (kúrek, tyrnaýysh) jabdyqtarmen tolyq qamtamasyz etiledi.

Sondaı-aq, osy kúni elordamyz «Dúnıejúzilik tazalyq kúni» halyqaralyq ekologııalyq aktsııasyna qosylady. Oǵan álemniń 150-den astam elinen 380 mln erikti qatysady. «Aktsııanyń ereksheligi jınalǵan barlyq qaldyqtar (aralasqan qaldyqtardan qaıtalama shıkizatty bólek jınaý) suryptalyp, odan ári qaldyqtardy óńdeý zaýytyna tasymaldanady», - dedi ákimdikten.

Aıta keteıik, kúzgi ekologııalyq aılyq Nur-Sultan qalasynda 16 qyrkúıek-13 qazan aralyǵynda ótedi. 12 qazan jalpyqalalyq Aǵash otyrǵyzý kúni bolyp bekitildi.



Basty sózder: Nur-Sultan, Ekologııa, Aımaq,
Joǵary qaraı