Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Astanalyqtardyń 80 paıyzdan astamy sanaqtan ótti

2021 jyldyń 27 qazan 2021 16:48

NUR-SULTAN. QazAqparat – Elorda jurtynyń 80 paıyzdan astamy halyq sanaǵynan ótti. Bul týraly Nur-Sultan qalasy ákiminiń orynbasary Malıka Bekturova málim etti, dep habarlaıdy QazAqparat tilshisi.

«Ózderińiz biletindeı, 1 qazannan bastap elimizdiń barlyq aýmaǵynda halyq sanaǵynyń ekinshi kezeńi bastaldy. Búginde 14 mıllıonnan astam qazaqstandyq sanaqtan onlaın nemese oflaın formatta ótti. Elordaǵa kelsek, halyq sanaǵy joǵary qarqynmen júrýde. Kópshilik jumysta bolǵandyqtan sanaqtan onlaın ótip jatyr. Onlaın format halyq úshin yńǵaıly, sanaq júrgizý úshin tıimdi bolyp otyr», - dedi Malıka Bekturova ákimdikte ótken baspasóz máslıhatynda.

Sondaı-aq ákim orynbasary elordalyqtardy sanaqqa belsendi qatysýǵa shaqyrdy.

«Qazirgi ýaqytta elorda halqynyń 80 paıyzdan astamy sanaqtan ótti. Bul aıtarlyqtaı kórsetkish, turǵyndardyń belsendiligi úshin qýanyshtymyz. Halyq sanaǵy 30 qazanǵa deıin jalǵasady, osy oraıda sanaqtan ótpegen azamattardy belsendi bolýǵa shaqyramyz. Bul protsess el ekonomıkasyn odan ári damytý strategııasy úshin mańyzdy. Bul – bizdiń azamattyq paryzymyz», - deıdi ol.


Joǵary qaraı