Aýa raıy
Astana -26 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Astananyń oıyn-saýyq oryndary tyıym salynǵan ýaqytta qyzmet kórsetken

2020 jyldyń 29 qazan 2020 12:22

NUR-SULTAN. QazAqparat - Elordanyń oıyn-saýyq oryndary shekteý sharalaryna qaramastan tyıym salynǵan ýaqytta qyzmet kórsetýlerin jalǵastyrǵan. Bul týraly Nur-Sultan qalalyq polıtsııa departamenti Jergilikti polıtsııa qyzmeti basqarmasynyń bastyǵy Gosman Jakın aıtty, dep habarlaıdy QazAqparat tilshisi.

«Osy jyldyń 27 qazanynan bastap karantın rejımin saqtaý boıynsha birqatar qosymsha shekteý engizildi. Elorda polıtsııasy sanıtarlyq normalardy buzý faktilerin anyqtaý úshin kún saıyn reıdtik sharalar júrgizip jatyr. Erjelerdi buzatyn nysandarǵa, atap aıtqanda, oıyn-saýyq mekemelerine, saýda oryndaryna erekshe nazar aýdarylady. Quramynda sanıtarlyq qyzmet, ákimdik qyzmetkerleri, eriktiler jáne polıtsııa ókilderi bar mobıldi toptar kún saıyn reıd júrgizip, karantın rejımin buzǵandardy anyqtap, jaýapqa tartady. Qabyldanyp jatqan sharalarǵa qaramastan keıbir oıyn-saýyq mekemeleri sanıtarlyq talaptardy buzyp, tyıym salynǵan ýaqytta qyzmet kórsetýin jalǵastyrýda», - dedi Gosman Jakın.

Máselen onyń dereginshe, 21 qazanda Manas kóshesindegi káýaphananyń jumys jáne demalys kúnderi bekitilgen ýaqyt rejımine qaramastan qyzmet kórsetkeni anyqtalǵan. Al 24 qazanda Beıimbet Maılın kóshesinde ornalasqan «Janym sol» karaoke-barynda tyıym salynǵan ýaqytta kelýshiler bolǵan. Sonymen qatar meıramhanalarda kóp adam shaqyryp, otbasylyq toı-tomalaq ótkizetinder de tyıylmaı otyr. Atap aıtqanda, Turan dańǵyly boıyndaǵy «Grand Hall Astana» meıramhanasynda bir kúnde qyz uzatý men týǵan kún keshi qatar ótkizilgen.

«Anyqtalǵan barlyq ereje buzýshylyqtardy ákimshilik jaýapkershilikke tartý maqsatynda Nur-Sultan qalalyq taýarlar men kórsetiletin qyzmetterdiń sapasyn jáne qaýipsizdigin baqylaý departamentine jınaqtalǵan materıaldar jiberildi», - dedi Jergilikti polıtsııa qyzmeti basqarmasynyń bastyǵy.


Joǵary qaraı