Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Astananyń jalpy óńirlik ónimi 5,2 trln teńgeden asty

2022 jyldyń 27 mamyr 2022 14:10

NUR-SULTAN. QazAqparat – Ótken jyly elordanyń jalpy óńirlik ónim kólemi 5,2 trln teńgege jetti. Bul týraly Nur-Sultan qalalyq tekserý komıssııasynyń tóraǵasy Imanjúsip Aqpombaev málim etti, dep habarlaıdy QazAqparat tilshisi.

«Jalpy, ótken jyly elordanyń makroekonomıkalyq jaǵdaıy turaqty boldy. Áleýmettik-ekonomıkalyq damýdyń negizgi kórsetkishteri de oń qarqynmen sıpattalady. Astananyń jalpy óńirlik ónimi 2021 jyly 5,2 trln teńgeni qurap, 2020 jylǵy deńgeıden 105,7 paıyz ósim kórsetti», -dedi ol qalalyq máslıhat otyrysynda.

Onyń dereginshe, respýblıkalyq kólemdegi Nur-Sultannyń úlesi - 9,9 paıyz. Osy kórsetkishpen elorda Almaty men Atyraý oblysynan keıingi úshinshi orynda tur.

«Jalpy óńirlik ónim qurylymynda ekonomıkalyq qyzmettiń barlyq derlik túrinde ósim baıqalady. Degenmen, negizgi ekonomıkalyq kórsetkishterdiń ósimi aıasynda búkil taýarlar men qyzmetter baǵasy artqany da baıqaldy. Inflıatsııa 8,8 paıyz boldy», - dedi Imanjúsip Aqpombaev.


Avtor Marlan Jıembaı
Basty sózder: Ekonomıka, Nur-Sultan,
Joǵary qaraı