Aýa raıy
Astana -2 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Astyq ónimderiniń eksporttyq áleýeti óte joǵary – Asqar Mamın

2020 jyldyń 22 qyrkúıek 2020 09:44

NUR-SULTAN. QazAqparat - Bıylǵy astyqtyń eksporttyq áleýeti shamamen 7,5-8 mln tonna bolady. Bul týraly Úkimet otyrysynda Premer-Mınıstr Asqar Mamın málim etti, dep habarlaıdy QazAqparat tilshisi.

«Qazirgi ýaqytta egin jınaý jumysynyń 93 paıyzy oryndaldy, astyq kólemi 18 mln tonna kóleminde bolady dep josparlanyp otyr. Ortasha túsim bir gektardan 12,2 tsentnerdi qurady. Bıylǵy astyqtyń eksporttyq áleýeti shamamen 7,5-8 mln tonna bolady, bul ótken jylǵydan keminde 12,5 paıyzǵa kóp», - dedi Úkimet basshysy.

Onyń aıtýynsha, jahandyq úrdiske qaraǵanda álemdik naryqta azyq-túlikke suranys pen onyń baǵasy ulǵaıa beredi.

«Sondyqtan bizdiń basym mindetimiz astyq ósirý men odan jasalatyn ónimder eksportynyń kólemin aıtarlyqtaı ulǵaıtý. Bizde joǵary sapaly nan ónimderiniń óndirisimen qatar, astyqty tereń óńdeý úlgileri de bar. Atap aıtqanda, glıýten, krahmal jáne bıoetanol óndirisi. Jalpy, elimizde astyq jáne odan jasalatyn ónimderdiń eksporttyq áleýeti óte joǵary. Osy áleýetti barynsha iske asyrýymyz qajet», - dedi Asqar Mamın.


Joǵary qaraı