Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Asylova: Psıhologııalyq-pedagogıkalyq júıe monıtorınginiń biryńǵaı baǵdarlamasy ázirlenýde

2021 jyldyń 14 qazan 2021 13:56

NUR-SULTAN. QazAqparat – Elimizde Psıhologııalyq-pedagogıkalyq júıe monıtorınginiń biryńǵaı baǵdarlamasy ázirlenýde. Bul jaıynda Senat depýtattarynyń saýalyna QR Bilim jáne ǵylym vıtse-mınıstri Bıbigúl Asylovanyń jaýabynda aıtylǵan, dep habarlaıdy QazAqparat tilshisi.

«Mınıstrlik Y. Altynsarın atyndaǵy Ulttyq bilim akademııasynyń bazasynda Psıhologııa, tárbıeleý jáne tulǵany damytý ortalyǵyn qurdy. Ortalyqtyń qyzmeti óńirlerdiń psıhologııalyq qyzmetterine jetekshilik etetin barlyq oqý-ádistemelik ortalyqtardy úılestirýge, sondaı-aq bilim berý uıymdarynyń pedagog-psıhologterin ádistemelik qamtamasyz etýge baǵyttalǵan», - delingen vıtse-mınıstr jaýabynda.

Onyń atap ótýinshe, qazirgi ýaqytta mınıstrlik atalǵan ortalyqpen birlesip, óńirlik oqý-ádistemelik ortalyqtar men psıhologııalyq qyzmetterdiń jumysyn jetildirý boıynsha jumys júrgizip jatyr.

«Sondaı-aq óńirlerde is júzinde iske asyrý úshin Psıhologııalyq-pedagogıkalyq júıeniń monıtorıngi boıynsha biryńǵaı baǵdarlama ázirlenýde», - dedi B.Asylova.

Buǵan deıin, Bilim jáne ǵylym vıtse-mınıstri elimizdiń jalpy bilim beretin mektepterine 6 900-den astam pedagog-psıholog jetispeıtindigin aıtqan edi.

Joǵary qaraı