Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atbegiler Almaty ıppodromynyń atqoraǵa aınalǵanyna shaǵymdandy

2021 jyldyń 28 qyrkúıek 2021 13:55

ALMATY. QazAqparat - Almaty ortalyq ıppodromynyń atbegileri men shabandozdary ıppodromnyń búgingi jaǵdaıyna baılanysty óz narazylyqtaryn bildirýde, dep habarlaıdy QazAqparat tilshisi.

Atalǵan máselege sáıkes, olar Almaty qalasy ákiminiń orynbasary Erjan Babaqumarov pen Almaty ıppodromy-SVS tobynyń bas dırektory Vladımır Braýnnyń atyna, Nur Otan partııasyna hat jazdy.

Hatta ıppodromnyń tozań men shańǵa kómilgeni, aýmaqtyń múlde tazalanbaıtyny, bos paketterdiń ushyp júrgeni, bótelkelerdiń shashylyp jatqany, aılar boıy úıilip jatqan kóńniń ınfektsııa, shybyn jınap jatqany jazylǵan.

Osy másele boıynsha Zaýyt jylqylar tuqymdary boıynsha Respýblıkalyq Palatanyń jetekshisi Talǵat Jaısanbaev óz pikirin bildirdi.




«Keńestik kezeńde bul ıppodrom eń jaqsy ıppodrom bolatyn. Elimizdiń basqa ıppodromdary osy ıppodromǵa qarap, boı túzeıtin dese bolady. Al qazir bul ıppodrom buzylyp, jaramsyz bolýda. Tipti, apattyq jaǵdaıǵa jetti. Osyǵan oraı, memleket jeke menshik ıesiniń saqtaý mindettemelerin buzǵany úshin ıppodromdy óz qaramaǵyna alǵany durys sheshim bolar edi dep oılaımyn. Sebebi, arhıtektýralyq muranyń búgingi ıesi ony saqtap, onyń joıylýyna jol bermeýge mindetti»,- dedi ol.

Aıta keteıik, Almaty ákimdiginiń 2021 jylǵy naýryz aıyndaǵy № 1/191 «Tarıh jáne mádenıet eskertkishteriniń memlekettik tizimin bekitý týraly» qaýlysyna sáıkes, Almaty ıppodromy sáýlet jáne mádenıet eskertkishi bolyp tanylǵan.














Avtor Dýman Arǵyngeldi
Basty sózder: Mádenıet, Sport, Almaty,
Joǵary qaraı