Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Atletter men bapkerlerdiń densaýlyǵyn saqtaý basty maqsatymyz – UOK bas hatshysy

2022 jyldyń 28 qańtar 2022 09:53

NUR-SULTAN. QazAqparat - 27 qańtar kúni qazaqstandyq delegatsııa Beıjińdegi qysqy Olımpıada oıyndaryna qatań karantın talaptaryna saı ushyp ketti. Bul týraly jýrnalısterge bergen suhbatynda Ulttyq Olımpıada komıtetiniń bas hatshysy Andreı Krıýkov aıtyp berdi, dep habarlaıdy QazAqparat tilshisi.

«Qazir biz úshin eń basty másele – komandany jarys ótetin jerge tez ári qaýipsiz jetkizý, qajetti zattarmen qamtamasyz etip, atletter men bapkerlerdiń densaýlyǵyn saqtaý. Bul óte qıyn jumys, biz logıstıkany uzaq ýaqyt boıy josparladyq. Meıilinshe qaýip az bolý úshin bar kúshimizdi saldyq. UOK pen bizdiń áriptesterimizde úlken jaýapkershilik jatyr. Memleket basshysy men Úkimettiń qoldaýynyń arqasynda barlyq protsess bekitilgen reglament boıynsha ótti», - dedi ol.

Esterińizge sala keteıik, osyǵan deıin Qazaqstan quramasy Beıjińge jetkeni týraly aqparat bergen bolatynbyz.

Olımpıada oıyndary 4 aqpan kúni bastalyp, 16 aqpanda máresine jetedi.

Aldyn ala málimet boıynsha, bul oıyndarǵa álemniń 95 elinen 4 myńnan astam sportshy qatysady. Onda 109 medal jıyntyǵy sarapqa salynady.

Oǵan Qazaqstan quramasynan barlyǵy 34 sportshy qatysady, olar 87 joldama jeńip aldy. Qazaqstandyqtar shańǵy jarysy, frıstaıl akrobatıka jáne mogýl, konkımen júgirý, short-trek, bıatlon, taý shańǵysy, tuǵyrdan sekirý, shańǵy qossaıysy sııaqty 8 sport túrinen synǵa túsedi.

Oıyndardy «Qazaqstan», «Qazsport», «Habar» jáne «El arna» telearnalarynan tikeleı efırden kórýge bolady.

Tórtjyldyq dodanyń ashylý saltanaty Nur-Sultan ýaqytymen 4 aqpan kúni, saǵat 17:55-te bastalady.


Joǵary qaraı