Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atom elektr stansasynyń qajettiligi birtindep arta beredi – Elbasy

2021 jyldyń 17 qarasha 2021 18:21

NUR-SULTAN. QazAqparat – Atom elektr stansasynyń qajettiligi birtindep arta beredi. Bul týraly QR Tuńǵysh Prezıdenti – Elbasy Nursultan Nazarbaev aıtty, dep habarlaıdy QazAqparat tilshisi.

«Bolashaqta «jasyl» ekonomıkaǵa kóshý tek Qazaqstanǵa ǵana emes, sonymen birge búkil álemdik ekonomıkaǵa yqpal etedi. Iá, biz - munaı men gazdy óndiretin elmiz. Biraq, bul iste barynsha qýatty memleketterdiń biri ǵana emespiz. Máseleni baıyppen zerdeleý 2060 jylǵa deıin biz qalaǵanymyzben munaıdan bas tarta almaıtyndyǵymyzdy kórsetip otyr. Sondyqtan da qazirdiń ózinde jel men kún energııasynyń, «jasyl» ekonomıkanyń quny onymen aınalysyp júrgenderdi barynsha qanaǵattandyrmaıtyndyǵyn kórsetedi. Keıde jel soqpaıdy, kún betin bult basady degen sııaqty», - dedi Elbasy «Astana klýb-2021» otyrysynda.

QR Tuńǵysh Prezıdenti elimiz 2060 jylǵa qaraı kómirtegi beıtaraptyǵyna qol jetkizý mindettemesin alǵandyǵyn atap ótti.

«Qazirgi ýaqytta biz osy baǵytta jumys istep jatyrmyz. Jyl saıyn jel esebinen, kún esebinen energııa óndiretin jańa elektr stansalary iske qosylýda. Degenmen, túptep kelgende bul máseleni ıadrolyq energetıka sheshedi dep esepteımin. Qazaqstan álemde bastapqy ýrannyń 25 paıyzyn óndiredi jáne ishinara baıytady. Sondyqtan da ýran keni jáne ıadrolyq elektr stansalary qajettiliginiń birtindep ulǵaıa bastaıynyn sezinetin bolamyz», - dedi Nursultan Nazarbaev.


Joǵary qaraı