Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

«Attestatsııadan óte almaǵan mekteptiń túlekteri qujat almaıdy» – máselege túsinik berildi

2022 jyldyń 13 mamyr 2022 10:38

PETROPAVL. QazAqparat – Soltústik Qazaqstan oblysynda memlekettik attestatsııadan óte almaǵan mektepterge olqylyqtardy joıýǵa bir jylǵa deıin ýaqyt berilmek. Osy merzim ishinde tıisti talaptar oryndalmasa – mektep túlekterine memlekettik bilim týraly qujat berilmeýi múmkin, dep habarlaıdy QazAqparat tilshisi.

SQO Bilim salasynda sapany qamtamasyz etý departamenti keshe ótken baspasóz máslıhatynda óńirdegi 16 bilim berý uıymynyń 14-i memlekettik attestatsııadan óte almaǵanyn aıtqan edi. Mamandar attestatsııadan ótpeýinen osy mektepterdiń túlekterine memlekettik bilim týraly qujat berilmeýi múmkindigin eskertti.

Departament basshysy Aınagúl Suraǵanova osy máselege qatysty túsinik berdi.

«Attestatsııadan óte almaǵan mektepterge eskertý jasap jatyrmyz. Oqý jylynyń sońyna deıin ýaqyttary bar. Mektep túlekterine attestat maýsym aıynyń ortasynda beriledi ǵoı. Oǵan deıin bilim ordalary attestatsııadan ótýleri qajet. Óte almaǵandarǵa qandaı da bir quqyqtyq shara qolanylyp jatqan joq. Túsindirý jumystary júrgizilip jatyr. Óıtkeni bul burynǵy attestatsııadan erekshe. Munda biz mektepke barmaı, mekteptiń ózin-ózi baǵalaýy materıaldaryn onlaın zerdeleımiz, eksperttik toptan komıssııa qurylyp, sheshim shyǵarylady.

Al mektep memlekettik attestatsııadan óte almaǵan jaǵdaıda onyń dırektorymen kelesi ótý merzimi bekitiledi. Ol eki aptadan keıin nemese jarty jyldan keıin bolýy múmkin. Osylaısha ekinshi ret attestatsııaǵa qujattaryn tapsyrady. Eger de ekinshi ret ótpegen jaǵdaıda onda bul mektep profılaktıkalyq baqylaýǵa iligedi. Ondaıda mektepke barý arqyly olardyń jumysy zerdelenedi», - dedi Aınagúl Suraǵanova QazAqparat tilshisine bergen jaýabynda.

Jalpy attestattaý aıaqtalǵan kúni mektepke qorytyndy beriledi. Memlekettik attestattaýdan ótpegen jaǵdaıda, 5 kúnniń ishinde mektep olqylyqtardy joıýǵa arnalǵan jospar jasaýy tıis. Sol josparda qaıtalama attestattaýdyń merzimi anyqtalady. Ol merzim kem degende 10 kún, kóp degende bir jylǵa deıin bolýy múmkin.

«Mamyr, maýsym aıynyń basynda turǵan mektepterdi aldyn ala eskerttik. Jergilikti atqarýshy organdar bar, bári jabylyp, ádistemelik kabınetter kómek kórsetip, memlekettik attestatsııadan óte almaı qalý qaýpi bar ekenin aıtyp jatyrmyz. Bilim basqarmasyn da sáýir aıynyń basynda eskerttik. Olar, árıne tıisti sharalardy qoldanyp jatyr. Arnaıy jospar quryp, mektepterge ádistemelik kómekterin berip jatyr. Bul másele «Amanat» partııasynyń otyrysyna da shyǵarylǵan. Bilim basqarmasynyń baıandamasy tyńdaldy. Olar bul máseleniń aldyn alý maqsatynda barynsha jumys istep jatyr», - deıdi departament basshysy.


Joǵary qaraı