Aýa raıy
Astana 11 °S
Almaty 12 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý ákimdigi forým-semınar ótkizýden bas tartyp, 4 mlrd teńge únemdedi

2020 jyldyń 4 tamyz 2020 01:47

ATYRAÝ. QazAqparat –Atyraý oblysynyń ákimdigi forým men semınarlardy ótkizýden bas tartyp, bıýdjettiń 5 mlrd teńgege jýyq qarjysyn únemdegen. Bul týraly oblys ákimi Mahambet Dosmuhambetov málim etti, dep habarlaıdy QazAqparat.

Ákimniń aıtýynsha, pandemııaǵa baılanysty forýmdar men semınarlar, buqaralyq sıpaty basym baǵdarlamalar qysqartylǵan. Al, keıbir sharalardyń formaty ózgertilgen.

«Biz adamdardyń kóp shoǵyrlanatyn sharalardyń bárinen bas tarttyq. Budan bıýdjettiń 4,8 mıllıard teńgesi únemdeldi. Endi jyl sońyna deıin taǵy da 900 mln teńgeni qysqartýdy kózdep otyrmyz» -dedi jergilikti BAQ-qa bergen suhbatynda oblys ákimi Mahambet Dosmuhambetov.

Onyń málim etýinshe, únemdelgen qarjy birinshi kezekte pandemııamen kúres sharalaryna jumsalady.

«Bul maqsatqa 2,3 mlrd teńge bólindi. Sonyń ishinde 777 mln teńge «Atyraý ÁKK» AQ arqyly azyq-túlik taýarlarynyń turaqtandyrý qoryn qurýǵa jumsaldy. Budan basqa 1 mlrd teńge mektepterdi dárethanalarmen, beınebaqylaý júıesimen jabdyqtaýǵa baǵyttaldy. Únemdelgen qarjyǵa medıtsınalyq jabdyqtar satyp alyndy. Statsıonarlarǵa jóndeý jumystary júrgizildi. Qarjynyń bir bóligine ókpeni jasandy jeldetý apparattaryn satyp alýdy josparlap otyrmyz» -dedi Mahambet Dosmuhambetov.

Buǵan deıin Atyraý oblysynda 470 muǵalim jetispeıtinin jazǵan edik.



Avtor Bek Mustafa
Basty sózder: Atyraý oblysy, Bıýdjet,
Joǵary qaraı